ٹی 20 ورلڈ کپ: امریکی کپتان پاکستان اور بھارت کو بھی ہرانے کیلیے پُرعزم
امریکا نے ٹی ٹوئنٹی ورلڈ کپ 2024 میں کینیڈا کو با آسانی شکست دے کر فاتحانہ آغاز کیا اب اس کی نظریں پاکستان اور بھارت کو زیر کرنے پر ہیں۔ آئی سی سی ٹی ٹوئنٹی ورلڈ کپ 2024 کا امریکا میں آغاز ہوگیا۔ ڈیلاس میں کھیلے گئے افتتاحی میچ میں میزبان امریکا نے کینیڈا کو […]
امریکا نے ٹی ٹوئنٹی ورلڈ کپ 2024 میں کینیڈا کو با آسانی شکست دے کر فاتحانہ آغاز کیا اب اس کی نظریں پاکستان اور بھارت کو زیر کرنے پر ہیں۔
آئی سی سی ٹی ٹوئنٹی ورلڈ کپ 2024 کا امریکا میں آغاز ہوگیا۔ ڈیلاس میں کھیلے گئے افتتاحی میچ میں میزبان امریکا نے کینیڈا کو چاروں خانے چت کر دیا اور با آسانی 7 وکٹوں سے شکست دے کر ٹورنامنٹ میں فاتحانہ آغاز کیا۔
کینیڈا سے جیتنے کے بعد اب امریکی کپتان کی نظریں پاکستان اور بھارت کو زیر کرنے پر ہیں اور وہ دونوں بڑی ٹیموں کے خلاف میچ کے لیے پر عزم ہیں۔
میچ کے بعد گفتگو کرتے ہوئے امریکا کرکٹ ٹیم کے کپتان مونانک پٹیل نے کہا جس طرح کینیڈا کے خلاف جیت کے عزم کے ساتھ کرکٹ کھیلے اسی طرح بھارت اور پاکستان کے خلاف بھی کھیلیں گے۔
واضح رہے کہ گروپ اے میں امریکا کے علاوہ پاکستان، بھارت، کینیڈا اور آئرلینڈ کی ٹیمیں شامل ہیں۔ امریکا اپنا دوسرا میچ ڈیلاس میں ہی 6 جون کو پاکستان کے خلاف کھیلے گا جب کہ بھارت کے خلاف وہ نیویارک میں 12 جون کو میدان میں اترے گا۔
آپ کا ردعمل کیا ہے؟
