ٹرین کے پہیوں کے درمیان پھنسا بچہ سو میل تک کیسے زندہ رہا ؟

بھارت میں ایک حیرت انگیز واقعہ پیش آیا ہے جہاں ایک مال گاڑی کے پہیوں میں پھنسے پانچ سالہ بچے کو سو میل چلنے کے بعد بچا لیا گیا۔

لکھنؤ کے چارباغ ریلوے اسٹیشن پر ریسکیو اہلکاروں نے مال گاڑی کے پہیوں کے درمیان بیٹھے ایک 5 سالہ بچے کو بحفاظت بچالیا۔

میڈیا رپورٹ کے مطابق مذکورہ بچہ کھیلتے ہوئے لکھنؤ کے چارباغ ریلوے اسٹیشن پر کھڑی مال گاڑی کے پہیوں کے درمیان گرگیا تھا، اسی دوران مال گاڑی چل پڑی اور بچہ پہیوں سے باہر نہ نکل سکا۔

ریلوے اسٹیشن سے نکلنے کے بعد مال گاڑی نے تقریباً 100 کلومیٹر کا فاصلہ طے کیا، ہردوئی ریلوے اسٹیشن میں اہلکاروں نے بچے کو پہیوں کے درمیان پڑا دیکھا اور پھر بچے کو ٹرین سے باہر نکالا جس کی ویڈیو سوشل میڈیا پر تیزی سے وائرل ہو رہی ہے۔

मालगाड़ी के पहियों के बीच बैठकर हरदोई पहुँचा बच्चा

आरपीएफ़ ने किया रेस्क्यू

रेलवे ट्रैक के किनारे रहने वाला है मासूम

खेलते खेलते ट्रैक पर खड़ी मालगाड़ी पर चढ़ा

मालगाड़ी चल दी और बच्चा नहीं उतर पाया

रेलवे सुरक्षा बल के जवानों ने बच्चे को उतारा

बच्चे को चाइल्ड केयर हरदोई के… pic.twitter.com/D8A1Xqbbho

— News1Indiatweet (@News1IndiaTweet) April 21, 2024

بچہ پہیوں کے درمیان سو گیا

بتایا جاتا ہے کہ بچہ چارباغ ریلوے اسٹیشن پر ٹرین کے پہیوں کے درمیان لیٹ گیا۔ اس کے بعد مال گاڑی چل پڑی اور بچہ سوتا رہا۔ ٹرین نے رفتار پکڑی تو وہ جاگ گیا لیکن تیز رفتاری کے باعث اس نے خود کو پہیوں کے درمیان پھنسا لیا اور نیچے اترنے کی کوشش نہیں کی۔

ٹرین تقریباً 102 کلومیٹر آگے ہردوئی پہنچی تو ٹرین رکنے کے بعد ریلوے پروٹیکشن فورس کے اہلکاروں نے بچے کو بحفاظت بہار نکال لیا۔

رپورٹ میں بتایا گیا ہے کہ بچے کے والدین میں علیحدگی ہوچکی ہے اور وہ اپنے باپ کے ساتھ ریلوے اسٹیشن پر بھیک مانگتا ہے۔ پہیوں سے باہر نکلنے کے بعد بچہ بہت خوفزدہ تھا

آر پی ایف حکام نے بتایا کہ چارباغ میں ایک مال گاڑی کھڑی تھی، اسی دوران ایک پانچ سال کا بچہ کھیلتے ہوئے وہاں پہنچا اور ٹرین چل پڑی، جب ہردوئی میں آر پی ایف اہلکاروں نے بچے کو ٹرین کے نیچے سے نکالا تو وہ بہت خوفزدہ تھا، بعد ازاں بچے کو چائلڈ ویلفیئر کمیٹی کے حوالے کر دیا گیا اور بچے کے والد سے بھی رابطہ کیا گیا ہے۔