ویڈیو: شہری نے ٹیلر سوئفٹ کا دستخط کردہ گٹار حاصل کر کے اسے توڑ دیا
امریکی ریاست ٹیکساس کے رہائشی شخص نے نیلامی میں حصہ لے کر نامور امریکی گلوکارہ ٹیلر سوئفٹ کا دستخط شدہ گٹار حاصل کر کے اسے تباہ کر دیا۔ میڈیا رپورٹس کے مطابق ایلس کاؤنٹی وائلڈ گیم ڈنر میں ایک فنڈ ریزنگ کی تقریب میں ٹیلر سوئفٹ کا دستخط کردہ گٹار نیلامی کیلیے پیش کیا گیا […]
امریکی ریاست ٹیکساس کے رہائشی شخص نے نیلامی میں حصہ لے کر نامور امریکی گلوکارہ ٹیلر سوئفٹ کا دستخط شدہ گٹار حاصل کر کے اسے تباہ کر دیا۔
میڈیا رپورٹس کے مطابق ایلس کاؤنٹی وائلڈ گیم ڈنر میں ایک فنڈ ریزنگ کی تقریب میں ٹیلر سوئفٹ کا دستخط کردہ گٹار نیلامی کیلیے پیش کیا گیا جسے شہری نے 4 ہزار ڈالر میں حاصل کیا۔
سوشل میڈیا پر وائرل ایک ویڈیو میں دیکھا جا سکتا ہے کہ شہری نے اسٹیج پر پہنچ کر گٹار وصول کیا اور وہیں ہتھوڑے کے پے در پے کئی وار سے اسے تباہ کر دیا، فوٹیج میں شہری کو ایسا کرتے ہوئے انتہائی خوش دیکھا گیا۔
Omg lol!!!! Guy bought a signed Taylor Swift guitar at a live auction for $4,000, only to destroy it pic.twitter.com/zj5kHdygbU
— TONY
(@TONYxTWO) September 30, 2024
واقعے نے سوشل میڈیا پر لوگوں کی خوب توجہ حاصل کی۔ کچھ لوگوں نے شہری کے عمل کی تعریف کی جبکہ دوسروں نے اسے تباہی پر پیسہ ضائع کرنے پر تنقید کا نشانہ بنایا۔
کچھ لوگوں نے قرار دیا کہ صدارتی امیدوار کملا ہیریس کیلیے ٹیلر سوئفٹ کی حمایت کی وجہ سے شہری نے ایسا کیا حالانکہ یہ بات ابھی غیر مصدقہ ہے۔
فنڈ ریزنگ کرنے والے خیراتی ادارے نے خود واضح کیا کہ گٹار کا کوئی سیاسی تعلق نہیں ہے۔
آپ کا ردعمل کیا ہے؟
