ویرات کوہلی اور انوشکا شرما کا بھارت چھوڑنے کا فیصلہ؟
بھارتی ٹیم کے مایہ ناز بیٹر ویرات کوہلی اور ان کی اہلیہ و اداکارہ انوشکا شرما نے بھارت چھوڑ کر مستقل طور پر لندن میں رہائش اختیار کرنے کا فیصلہ کرلیا ہے۔ بھارتی میڈیا رپورٹس کے مطابق ویرات کوہلی اور انوشکا شرما نے دوسرے بچے اکائے کی پیدائش کے بعد سے لندن منتقل ہونے کا […]
بھارتی ٹیم کے مایہ ناز بیٹر ویرات کوہلی اور ان کی اہلیہ و اداکارہ انوشکا شرما نے بھارت چھوڑ کر مستقل طور پر لندن میں رہائش اختیار کرنے کا فیصلہ کرلیا ہے۔
بھارتی میڈیا رپورٹس کے مطابق ویرات کوہلی اور انوشکا شرما نے دوسرے بچے اکائے کی پیدائش کے بعد سے لندن منتقل ہونے کا سوچ رہے ہیں، بیٹے اکائے کی پیدائش سے قبل ویرات کوہلی اور انوشکا شرما نے لندن میں کافی وقت گزارا تھا اور بیٹے کی پیدائش بھی لندن میں ہوئی تھی۔
اب بھارتی میڈیا کا دعویٰ ہے کہ ویرات اور انوشکا بچوں کے ساتھ مستقل طور پر لندن میں شفٹ ہوسکتے ہیں جہاں وہ ایک عالیشان گھر خریدنے کی منصوبہ بندی کررہے ہیں۔
رپورٹ میں بتایا گیا ہے کہ ویرات کوہلی ریٹائرمنٹ کے قریب ہیں اس لیے اب وہ برطانیہ میں مستقل ہی رہیں گے اور آئی پی ایل یا ون ڈے اور ٹیسٹ میچز کے لیے بھارت واپس آئیں گے۔
جوڑے کی لندن شفٹ ہونے کی افواہیں اس وقت زور پکڑ گئیں جب کوہلی ممبئی میں ٹیم کے ہمراہ وکٹری پریڈ میں شرکت کے بعد اہلیہ اور بچوں سے ملنے کے لیے لندن روانہ ہوگئے تھے۔
واضح رہے کہ ٹی 20 ورلڈ کپ کے فائنل میں جنوبی افریقہ کیخلاف ویرات کوہلی نے شاندار نصف سنچری اسکور کی تھی اور انہیں میچ کا بہترین کھلاڑی قرار دیا گیا تھا۔
یاد رہے کہ ویرات کوہلی اور انوشکا شرما 11 دسمبر 2017 کو اٹلی میں شادی کے بندھن میں بندھے تھے ان کے دو بچے 3 سالہ بیٹی وامیکا اور پانچ ماہ کا بیٹا اکائے کوہلی ہیں۔
آپ کا ردعمل کیا ہے؟
