معروف سوشل میڈیا انفلوئنسر کی گھر سے پھندا لگی لاش برآمد

بھارت کی معروف سوشل میڈیا انفلوئنسر اور ریڈیو میزبان سمرن سنگھ کی گھر سے پھندا لگی لاش برآمد ہوئی ہے۔

بھارتی میڈیا کے مطابق بھارت کی معروف سوشل میڈیا انفلوئنسر اور ریڈیو میزبان سمرن سنگھ گڑگاؤں (گروگرام) میں اپنے گھر میں مردہ حالت میں پائی گئیں۔

مقبوضہ جموں و کشمیر سے تعلق رکھنے والی سمرن سنگھ کی لاش بدھ کی رات ان کے کمرے میں پھندے سے لٹکی ہوئی ملی، مطابق سمرن کے ساتھ ان کے اپارٹمنٹ میں رہائش پذیر دوست نے پولیس کو واقعے کی اطلاع دی، پولیس موقع پر پہنچی تو سمرن کے گھر کا دروازہ اندر سے بند تھا۔

بھارتی میڈیا نے خاندانی ذرائع حوالے دیتے ہوئے بتایا کہ سمرن کچھ عرصے سے ذاتی مشکلات کا شکار تھیں، جس کی وجہ سے انہوں نے یہ قدم اٹھایا۔

پولیس کے مطابق خاندان کی تحریری شکایت پر کارروائی کرتے ہوئے جمعرات کی صبح لاش کا پوسٹ مارٹم کیا گیا جس کے بعد لاش خاندان کے حوالے کر دی گئی۔

معروف بھارتی اداکارہ روایتی انداز میں شادی کے بندھن میں بندھ گئیں، تصاویر وائرل