دعا لیپا نے کالم ٹرنر سے شادی کیلئے حامی بھرلی

برطانیہ کی معروف گلوکارہ دعا لیپا نے اپنے بوائے فرینڈ برطانوی اداکار کالم ٹرنر سے شادی کے لئے حامی بھرلی۔

غیر ملکی میڈیا رپورٹس کے مطابق 34 سالہ کالم ٹرنر نے کرسمس کے موقع پر 29 سالہ دعا لیپا کو پروپوز کیا جس پر انہوں نے رضامندی کا اظہار کیا۔

میڈیا رپورٹس میں کہا گیا ہے کہ دونوں شخصیات کی جانب سے نئے سال کے موقع پر اس حوالے سے اپنے اہلِ خانہ اور دوستوں کے لیے ایک تقریب بھی منعقد کرنے کا امکان ہے۔

واضح رہے کہ گزشتہ برطانوی گلوکارہ اور کالم ٹرنر بھارت میں بھی ایک ساتھ موجود تھے جہاں دونوں نے ممبئی کے ہوٹل میں ایک ساتھ ڈنر بھی کیا تھا۔

میڈیا کی رپورٹس کے مطابق برطانوی گلوکارہ 30 نومبر کو ممبئی میں ایک کنسرٹ میں پرفارم کرنے کے سلسلے میں بھارت آئیں تھیں۔

ویڈیو: پاپ اسٹار دعا لیپا نے شاہ رخ کے گانے پر پرفارم کرکے سب کو حیران کردیا

غیر ملکی میڈیا کے مطابق برطانوی گلوکارہ اور کالم ٹرنر کے درمیان ڈیٹنگ کی افواہیں پہلی بار جنوری میں سامنے آئی تھیں جب ان دونوں کو لندن میں ایک پارٹی میں ساتھ دیکھا گیا تھا۔