قومی کھلاڑیوں نے بہترین کھیل پیش کر کے فتح اپنے نام کی: چیئرمین پی سی بی

پاکستان کرکٹ بورڈ(پی سی بی ) کے چیئرمین محسن نقوی نے کہا ہے کہ قومی کھلاڑیوں نے بہترین کھیل پیش کر کے فتح اپنے نام کی ہے۔

تفصیلات کے مطابق  چیئرمین پی سی بی محسن نقوی نے ٹیسٹ سیریز جیتنے پر قومی ٹیم کو مبارکباد دی اور کہا کہ نئے کھلاڑیوں نے کارکردگی سے ٹیم میں شمولیت کو درست ثابت کیا۔

محسن نقوی کا کہنا تھا کہ ساجد خان، نعمان علی نے شاندار بالنگ کر کے صلاحیتوں کو ثابت کیا، سعود شکیل نے سنچری  اسکور کر کے عمدہ بلے بازی کا مظاہرہ کیا۔

محسن نقوی نے کہا کہ انگلینڈ کے خلاف جیت سے کھلاڑیوں کا مورال بلند ہوگا، قوم کے ساتھ کھلاڑیوں کو ایسی شاندار فتح کا انتظار تھا۔

پاکستان نے انگلینڈ کو تین ٹیسٹ میچوں کی سیریز میں دو صفر سے شکست دی ہے، پاکستان نے انگلینڈ کو تیسرے ٹیسٹ میں 9 وکٹوں سے شکست دی۔