فلم 12ویں فیل کے اداکار وکرانت میسی ٹیکسی ڈرائیور سے بھڑ گئے، ویڈیو

بھارتی اداکار وکرانت میسی کی ٹیکسی ڈرائیور  کیساتھ کرائے پر لڑنے کی ویڈیو سوشل میڈیا پر وائرل ہوگئی۔

بالی ووڈ کی مقبول فلم 12ویں فیل کے اداکار وکرانت میسی ٹیکسی ڈرائیور سے بھڑ گئے جس کی ویڈیو پر زیرِ گردش ہے، ویڈیو میں دیکھا جاسکتا ہے کہ اداکار ٹیکسی ڈرائیور سے لڑائی کررہے ہیں۔

وائرل ویڈیو میں ٹیکسی ڈرائیور چھپے ہوئے کیمرے پر ریکارڈنگ کرتا نظر آیا جس میں وکرانت نے کہا کہ ’چلّا کیوں رہا ہے؟ چلتے وقت تو کرایا 450 روپے تھا اب زیادہ کیسے ہوگیا؟۔

 

View this post on Instagram

 

A post shared by Instant Bollywood (@instantbollywood)

وکرانت کی بات پر ٹیکسی ڈرائیور نے غصے میں کہا کہ ’ مطلب آپ کرایا نہیں دیں گے؟ ‘ اور یہ کہہ کر اپنا موبائل فون منظرِ عام پر لاتے ہوئے وکرانت کی شکل دکھائی اور پھر کہا کہ ’ میرا نام اشیش ہے اور میں ٹیکسی ڈرائیور ہوں اور میرے ساتھ وکرانت میسی ہیں جو مجھے سفر کا کرایا نہیں دے رہے ہیں‘۔

وکرانت میسی نے پہلے ریکارڈنگ رکوانی چاہی لیکن پھر یہ کوشش چھوڑ کر کہنے لگے کہ ’تم کہہ رہے ہو کہ یہ کمپنی والوں کی من مانی ہے، لیکن اب ایسا نہیں چلے گا‘، ڈرائیور نے وکرانت میسی پر الزام لگایا کہ اداکار نے اسے گالیاں دیں اور دھمکایا بھی۔

سوشل میڈیا پر وائرل ہونے والی اس ویڈیو پر صارفین مختلف کا یہ کہنا ہے کہ یہ ویڈیو کسی تشہیری مہم کا حصہ ہے۔