شاہ رخ، سلمان اور عامر خان کا ایک دوسرے کے گلے میں ہاتھ ڈالے رقص؛ ویڈیو وائرل

بالی ووڈ فلم انڈسٹری کے تینوں خانز کی ایک دوسرے کے گلے میں ہاتھ ڈالے رقص کرنے کی ویڈیو سوشل میڈیا پر وائرل ہوگئی ہے۔

حال ہی میں بھارت کے بزنس ٹائیکون مکیش امبانی کے چھوٹے بیٹے اننت امبانی کی شادی کی تقریب میں شاہ رخ خان، سلمان خان اور عامر خان سمیت دیگر بالی ووڈ فنکاروں میں شرکت کی۔

سوشل میڈیا پر وائرل ہونے والی اس ویڈیو میں اسٹیج پر شاہ رخ خان، سلمان خان اور عامر خان کو ایک دوسرے کے گلے میں ہاتھ ڈالے رقص کرتے ہوئے دیکھا جاسکتا ہے۔

the 3 Khans dancing on Naatu Naatu. Shah Rukh Khan, Salman and Aamir together after a long time at Ambani pre wedding event pic.twitter.com/lJH9LHHBpm

— sohom (@AwaaraHoon) March 2, 2024

بالی ووڈ کے ان سپر اسٹارز نے ساؤتھ انڈین بلاک بسٹر مووی آر آر آر کے عالمی انعام یافتہ نغمے ناچو ناچو پر رقص کرنے کی بھی کوشش کی۔

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ تینوں خانز ناچو ناچو کے مشکل ترین ’’اسٹیپس‘‘ کرنے کی کوشش کر رہے ہیں لیکن تینوں ناکام ہوجاتے ہیں۔

تاہم بالی ووڈ کے سپر اسٹارز عامر، سلمان، شاہ رخ ساؤتھ انڈین اسٹارز رام چرن اور این ٹی آر جونیئر جیسا رقص کرنے میں ناکام ہوگئے اور اپنی اس ناکامی کا اظہار بھی کیا۔