خاتون نے شوہر سے جھگڑے پر بچوں کو کثیر المنزلہ عمارت کی کھڑکی کے باہر بٹھا دیا

چین میں خاتون نے شوہر سے جھگڑے پر بچوں کو 23ویں منزل کے اپارٹمنٹ کے باہر اے سی کے آؤٹر پر بٹھا دیا۔

وسطی چین میں ایک پریشان کن واقعے نے سوشل میڈیا صارفین کی خاصی توجہ حاصل کرلی خاتون نے مبینہ طور پر اپنے شوہر کے ساتھ جھگڑے کے دوران اپنے دو چھوٹے بچوں کو 23ویں منزل کے اپارٹمنٹ کے باہر ایئر کنڈیشنگ یونٹ پر بٹھا دیا۔

ساؤتھ چائنا مارننگ پوسٹ کے مطابق یہ واقعہ 10 اکتوبر کو ہینان صوبے کے شہر لوئیانگ میں پیش آیا جہاں پڑوسیوں نے بچوں کے رونے کی آواز ریکارڈ کی جس کے نتیجے میں ایک ویڈیو وائرل ہو گئی۔

ویڈیو میں بچوں کو بغیر کسی حفاظتی سامان کے دیکھا گیا کیونکہ ان کی ماں نے مبینہ طور پر ان کے والد کو ان تک پہنچنے سے روک دیا۔

بیٹی بظاہر پریشان اور رو رہی تھی، جوڑے کے جھگڑے کی اصل وجہ ابھی تک واضح نہیں ہے لیکن ایک متعلقہ پڑوسی نے حکام کو صورتحال سے آگاہ کیا۔

مقامی خواتین اور بچوں کی فیڈریشن کے ایک اہلکار نے بتایا کہ فائر بریگیڈ آئی اور بچوں کو بچا لیا گیا اور تصدیق کی کہ معاملے کی تحقیقات جاری ہیں۔ پولیس اس معاملے کو بھی دیکھ رہی ہے حالانکہ یہ معلوم نہیں ہو سکا کہ ماں کو کسی قسم کے سزا کا سامنا کرنا پڑے گا یا نہیں۔

مذکورہ ویڈیو کو سوشل میڈیا پر 55 ملین سے زیادہ لوگ دیکھ چکے ہیں اور اس غم و غصے کا اظہار بھی کررہے ہیں۔

ایک صارف نے لکھا کہ ایک ماں کو اپنے بچوں کی حفاظت کرنی چاہیے لیکن وہ اپنے بچوں کو خطرے میں ڈال رہی ہے، وہ ماں بننے کے لائق نہیں ہے۔

ایک اور نے مزید کہا، اگر کوئی حادثہ ہو جاتا ہے تو وہ کسی اور سے زیادہ پچھتائے گی۔