برازیل میں فٹبال میچ کے دوران جھگڑا، تماشائی کو زندہ جلا دیا گیا

برازیل میں فٹبال میچ میں تماشائیوں کے درمیان ہونے والا جھگڑا خوفناک تصادم کی صورت اختیار کرگیا، جھگڑے کے بعد ایک تماشائی کو زندہ جلادیا گیا۔

برطانوی خبر رساں ادارے کی رپورٹ کے مطابق واقعہ اس وقت پیش آیا جب فٹبال شائقین مقامی فٹبال کلب کروزیرو اور ایتھلیٹیکو پرانانس کا لیگ میچ دیکھنے کے بعد اپنے گھروں کو روانہ ہورہے تھے۔

میڈیا رپورٹ کے مطابق کروزریو کے حامیوں پر ان کی حریف ٹیم کے مداحوں کی جانب سے حملہ کیا گیا۔

کروزریو کے مداحوں کی بس پر حریف گروپ نے آتش گیر مادہ پھینکا جس سے بس میں آگ لگ گئی، جبکہ گھر میں تیار کیے گئے بموں اور کِیلوں کا بھی استعمال کیا گیا، تاکہ بس کے ٹائر پھٹ جائیں اور اسے روک لیا جائے۔

سوشل میڈیا پر واقعے سے متعلق دل دہلادینے والی ویڈیوز وائرل ہورہی ہیں، جس میں دیکھا جا سکتا ہے کہ حملہ آور کروزریو کے زخمی مداحوں کے پاس پہنچنے کے دوران ویڈیو بنا رہے تھے۔

مقامی میڈیا کا کہنا ہے کہ ایک مداح زندہ جل گیا، جبکہ کئی دیگر سر پر لوہے کی سلاخوں سے مارے جانے کے باعث زخمی ہوگئے۔

واضح رہے کہ برازیل میں فٹبال شائقین کے درمیان اکثر و بیشتر اس قسم کے واقعات دیکھنے کو ملتے ہیں۔

دورۂ آسٹریلیا، قومی اسکواڈ کے 7 کھلاڑی میلبرن پہنچ گئے

2019 میں بھی فٹبال شائقین کے درمیان ہونے والی لڑائی میں گھر میں تیار کئے گئے بموں کو استعمال کیا گیا تھا، جس میں بیشتر افراد شدید زخمی ہوئے تھے۔