بالی ووڈ فلم انڈسٹری کا بڑا نام چل بسا

بالی ووڈ فلم انڈسٹری کے مشہور و معروف فلمساز کمار شاہانی چل بسے۔

بھارتی میڈیا رپورٹس کے مطابق فلمساز کمار شاہانی 83 سال کی عمر میں انتقال کر گئے جبکہ اُن کا انتقال کولکتہ میں ہوا۔

شاہانی انڈین پیرالل سنیما کے علمبرداروں میں شمار ہوتے تھے اور ان کا کیرئیر 6 دہائیوں پر محیط رہا جس میں انہوں نے 1972 میں ریلیز ہونے والی فلم ’’مایا درپن‘‘ سمیت تنقیدی طور پر سراہی جانے والی فلموں کی ہدایتکاری کی۔

کمار شاہانی 7 دسمبر 1940 کو پاکستان کے شہر لاڑکانہ میں پیدا، انہوں نے اپنی فلم اینڈ ٹیلی ویژن انسٹیٹیوٹ آف انڈیا میں تعلیم حاصل کی تھی۔

ان کی فلم مایا درپن نے 1973 میں بہترین فیچر فلم کا نیشنل فلم ایوارڈ بھی جیتا تھا۔

انہوں نے 1997 میں رابندر ناتھ ٹیگور کے ناول سے متاثر ہو کر فلم ’ چار ادھیائے ‘کی ہدایتکاری بھی کی۔

شاہانی نے 1958 اور 1962 کے درمیان سیاسیات اور تاریخ کی تعلیم حاصل کی، بعد میں انہوں نے فلم اسکول میں داخلہ لیا اور پیرس میں IDHEC میں پڑھنے کے لیے اسکالرشپ حاصل کی۔