آسٹریلوی ٹی ٹوئنٹی ٹیم کا مستقل کپتان کون ہوگا؟ فیصلہ ہوگیا

آسٹریلیا کی ٹی ٹوئنٹی ٹیم کا مستقل کپتان آل راؤنڈر مچل مارش کو بنانے کا فیصلہ کیا گیا ہے۔

غیر ملکی میڈیا کے مطابق ٹی ٹوئنٹی ورلڈ کپ میں مچل مارش آسٹریلوی ٹیم کی قیادت کے فرائض انجام دیں گے، مچل مارش کو کپتان بنانے کی منظوری بورڈ میٹنگ میں دی جائے گی۔

واضح رہے کہ ایرون فنچ کی ریٹائرمنٹ کے بعد آسٹریلوی ٹیم کے لئے مستقل کپتان کا فیصلہ تاحال نہیں ہوسکا تھا۔

مچل مارش کی اگر بات کی جائے تو انہوں نے نیوزی لینڈ کے خلاف حال میں ٹی ٹوئنٹی سیریز میں کپتانی کے فرائض انجام دیئے تھے، اس سیریز میں آسٹریلیا تین صفر سے کامیاب ہوا تھا۔

پی ایس ایل 9: پشاور زلمی نے کراچی کنگز کو شکست دے دی

آسٹریلوی ہیڈ کوچ اینڈریو میکڈانلڈ کے مطابق تمام راستے مچل مارش کے کپتان بننے کی طرف جا رہے ہیں، ہمارے خیال میں وہ ورلڈ کپ ٹیم کے کپتان ہیں، وہ جیسے ٹی ٹوئنٹی ٹیم کو لے کر چل رہے ہیں، ہم ان سے پوری طرح سے مطمئن ہیں۔