ہاردک پانڈیا نے تاریخ رقم کردی
انٹرنیشنل کرکٹ کونسل (آئی سی سی) ٹی ٹوئنٹی کے نمبر ون آل راؤنڈر کا تاج بھارتی کھلاڑی ہاردک پانڈیا کے سر سج گیا۔ آئی سی سی نے ٹی ٹوئنٹی ورلڈ کپ کے بعد نئی رینکنگ جاری کردی، ٹی ٹوئنٹی ورلڈ کپ کے نمبر ون آل راؤنڈر بن کر ہاردک نے تاریخ رقم کردی، رینکنگ میں […]
انٹرنیشنل کرکٹ کونسل (آئی سی سی) ٹی ٹوئنٹی کے نمبر ون آل راؤنڈر کا تاج بھارتی کھلاڑی ہاردک پانڈیا کے سر سج گیا۔
آئی سی سی نے ٹی ٹوئنٹی ورلڈ کپ کے بعد نئی رینکنگ جاری کردی، ٹی ٹوئنٹی ورلڈ کپ کے نمبر ون آل راؤنڈر بن کر ہاردک نے تاریخ رقم کردی، رینکنگ میں پہلی بار کسی بھارتی آل راؤنڈر نے نمبر ون پوزیشن پر قبضہ جمایا ہے۔
ہاردک پانڈیا کو مسلسل کارکردگی کا صلہ مل گیا، انہوں نے ورلڈکپ میں بیٹ اور بال دونوں سے شاندار کارکردگی کا مظاہرہ کیا، ورلڈ کپ کے دوران 144 رنز بنانے کے ساتھ 11 وکٹیں بھی حاصل کیں۔
ہاردک پانڈیا نے اپنی ٹیم کو چیمپئن بنانے میں اہم کردار اداکیا ہے، آل راؤنڈر نے جنوبی افریقہ کے خلاف فائنل میچ میں بھی اہم کردار ادا ادا کیا تھا اس میچ میں 20 رنز دے کر 3 وکٹیں اپنے نام کی تھیں جبکہ آخری اوور بھی ہاردیک نے ہی کرایا تھا۔
دوسری جانب بلے بازوں کی رینکنگ میں کوئی تبدیلی نہیں ہوئی، آسٹریلیا کے ٹریوس ہیڈ پہلے اور بھارت کے سوریا کمار دوسرے نمبر پر موجود ہیں۔
جبکہ ٹی ٹوئنٹی رینک میں پاکستان کرکٹ ٹیم کے کپتان بابراعظم کا چوتھا اور محمد رضوان کا پانچواں نمبر ہے اس کے علاوہ ٹاپ 10 بولرز میں کوئی پاکستانی شامل نہیں ہے۔
آپ کا ردعمل کیا ہے؟
