کبریٰ اور گوہر کا رشتہ کرانے میں کس کا ہاتھ ہے؟ اہم انکشاف

پاکستانی شوبز انڈسٹری کی معروف اداکارہ کبریٰ خان اور اداکار گوہر رشید کی شادی کی خبریں سوشل میڈیا کی زینت بنی ہوئی ہیں۔

ان خبروں کے دوران معروف اداکار عثمان مختار نے بھی انٹری دیتے ہوئے خود کو رشتے کروانے والی باجی سے تشبیہہ دے دی۔

رپورٹس کے مطابق کبریٰ خان اور گوہر رشید کے درمیان دوستی کا رشتہ دیکھتے ہی دیکھتے اتنا مضبوط ہوگیا کہ نئے سال کا آغاز ہونے کی دیر تھی کہ دونوں کی جانب سے شادی کا اعلان بھی سامنے آگیا۔

دونوں کی جانب سے شادی کا باضابطہ اعلان سامنے آنے کے بعد مداحوں کی جانب سے خوشی کا اظہار کیا گیا، جبکہ سوشل میڈیا صارفین جوڑے کی آنے والی زندگی کیلئے نیک تمناؤں کا اظہار کرتے نظر آئے، لیکن کہانی میں اس وقت ایک ٹوئسٹ آیا جب اداکار عثمان مختار نے سوشل میڈیا پر انٹری دی۔

عثمان مختار نے انسٹاگرام پر اسٹوری شیئر کی جس میں انہوں نے کبریٰ کی ریل ری شیئر کرتے ہوئے تہلکہ خیز انکشاف کیا اور لکھا کہ،’آپ دونوں کے لیے بے حد خوش ہوں!!! بس سب کو بتا دیں، کس نے رشتہ کرانے والے کا کردار ادا کیا تھا؟؟؟‘۔

اس کے بعد کبریٰ سے بھی نہ رہا گیا اور اسٹوری ری شیئر کرتے ہوئے ڈراما سیریل ’ہم کہاں کے سچے تھے‘ کے کو اسٹار عثمان مختار کی تصویر کو ٹیگ کیا اور لکھا کہ ’یہی وہ شخص ہے۔‘

کوہلی اور انوشکا نے نئے گھر کی خوبصورت ویڈیو شیئر کردی

ساتھ ہی کبریٰ نے لکھا،’خواتین و حضرات، آپ نے یہ خبر براہِ راست ذریعے سے سنی ہے۔’