پاکستان کی پہلی سائنس فکشن فلم ’عمروعیار‘ کا رنگا رنگ پریمیئر
لاہور: پاکستانی سائنس فکشن فلم ’عمروعیار‘ کا لاہورمیں رنگا رنگ پریمیئر منعقد ہوا جس میں فلم کی پوری کاسٹ سمیت دیگر شوبز شخصیات نے شرکت کی۔ اے آر وائی نیوز کے مطابق ’عمرو عیار‘ کو عید الاضحی کے موققع پر ملک بھر کے سینما گھروں کی زینت بنایا جائے گا، فلم کی کاسٹ میں عثمان […]
لاہور: پاکستانی سائنس فکشن فلم ’عمروعیار‘ کا لاہورمیں رنگا رنگ پریمیئر منعقد ہوا جس میں فلم کی پوری کاسٹ سمیت دیگر شوبز شخصیات نے شرکت کی۔
اے آر وائی نیوز کے مطابق ’عمرو عیار‘ کو عید الاضحی کے موققع پر ملک بھر کے سینما گھروں کی زینت بنایا جائے گا، فلم کی کاسٹ میں عثمان مختار، صنم سعید، فاران طاہر، علی قاضی، عدنان صدیقی، سیمی راحیل، ثنا فخر، منظر صہبائی، دانیال راحیل اور سلمان شوکت شامل ہیں۔
پریمیر شو میں فواد خان، صبا قمر، فیصل قریشی، ماورا حسین نے بھی شرکت کی اور فلم کی ٹیم کو مبارکباد پیش کی۔
پریمیئر کے موقع پر فلم کی ٹیم نے بتایا کہ ’عمر و عیار‘ کی تیاری میں چار سال کا عرصہ لگا اور اسے پاکستان سمیت دنیا بھر کی 500 اسکرینوں پر دکھایا جائے گا۔
’عمرو عیار‘ کی ہدایات اظفر جعفری نے دی ہیں، اس کی کہانی عاطف ریحان صدیقی نے لکھی ہے اور اسے ہما بابر نے پروڈیوس کیا ہے جبکہ فلم کا میڈیا پارٹنر اے آر وائی ڈیجیٹل ہے۔
آپ کا ردعمل کیا ہے؟
