ورلڈ چیمپئن شپ آف لیجنڈز، سیمی فائنلز مقابلے آج ہوں گے

ورلڈ چیمپئن شپ آف لیجنڈ کرکٹ کے سیمی فائنلز کے مقابلے آج ہوں گے، پاکستان کا سیمی فائنل مقابلہ ویسٹ انڈیز سے اور آسٹریلیا کا مقابلہ بھارت سے ہوگا۔

برمنگھم میں مقامی کلب میں پاکستان چیمپئنز نے ویسٹ انڈیز کے خلاف سیمی فائنل سے قبل بھرپور ٹریننگ کی۔ کھلاڑیوں نے دو گھنٹے تک بیٹنگ، بالنگ اور فیلڈنگ کی پریکٹس کی۔

پاکستان اور ویسٹ انڈیز کے مابین آج نارتھمپٹن شائر کرکٹ گراؤنڈ پر سیمی فائنل مقابلے کے انعقاد کیا جائے گا۔

پاکستانی ٹیم کے کپتان شاہد آفریدی کا کہنا ہے کہ ٹیم کے سب کھلاڑی پُرعزم ہیں کہ سیمی فائنل جیت کر فائنل میں جگہ بنائیں۔

انہوں نے کہا کہ اگر انڈیا اور پاکستان کا فائنل ہوا تو شائقین کو زبردست انٹرٹینمنٹ ملے گی۔

عبدالرزاق نے اُمید کا اظہار کیا کہ انگلینڈ کے بعد اس لیگ کے میچز آسٹریلیا، ساؤتھ افریقہ، نیوز ی لینڈ اور ایشیا میں بھی ہوں گے۔

گوتم گمبھیر کے بھارتی ٹیم کا ہیڈ کوچ بننے پر شاہد آفریدی نے کیا کہا؟

فاسٹ بالر سہیل تنویر نے کہا ہے کہ سیمی فائنل میں زبردست مقابلے دیکھنے کو ملیں گے۔تمام ٹیموں نے مومینٹم پکڑ لیا ہے، دو میچز میں آرام کیا ہے لیکن سیمی فائنل کے لیے مکمل فٹ ہوں۔