معروف بھارتی اداکارہ گرفتار – بول نیوز

تیلگو فلم انڈسٹری کی معروف اداکارہ و ماڈل گنڈالا سری لتا کو پولیس نے گرفتار کرلیا۔

میڈیا رپورٹس کے مطابق اداکارہ گنڈالا سری لتا کو ٹریفک پولیس اہلکار پر سرِ عام تشدد کرنے پر گرفتار کیا گیا ہے۔

رپورٹ میں بتایا گیا کہ اداکارہ 24 فروری کی شام رانگ وے پر گاڑی چلا رہی تھیں کہ انہیں ٹریفک اہلکار نے روکا جس پر انہوں نے اہلکار کو مغلظات بکیں اور چپل سے پٹائی کی۔

پولیس کا کہنا ہے کہ اداکارہ نے ٹریفک اہلکار کے کپڑے پھاڑ دیے اور موبائل فون زمین پر زور سے مار کر توڑ دیا، جب ٹیم موقع پر پہنچی تو ملزمہ نے اپنا نام سومیا جانو بتایا۔

حکام نے بتایا کہ تحقیقات کے بعد معلوم ہوا کہ ملزم تیلگو اداکارہ و ماڈل ہیں، انہیں قوانین کی خلاف ورزی پر نوٹس جاری کیا اور بعد میں گرفتار بھی کیا گیا۔

سی سی ٹی وی فوٹیج میں گنڈالا سری لتا کو سڑک پر پولیس اہلکار پر تشدد کرتے ہوئے دیکھا گیا۔

ملزمہ کے خلاف انڈین پینل کوڈ کی دفعہ 353 اور 323 کے تحت مقدمہ درج کیا گیا۔