ایشوریا رائے کی پاکستانی ہمشکل خاتون کی تصاویر وائرل

بالی ووڈ اداکارہ ایشوریا رائے کی ہمشکل پاکستانی خاتون کی تصاویر سوشل میڈیا پر وائرل ہوگئیں۔

بھارتی میڈیا رپورٹ کے مطابق پاکستانی خاتون کنول چیمہ نے ایشوریا رائے سے حیرت انگیز مشابہت کی وجہ سے سوشل میڈیا صارفین کی توجہ حاصل کرلی ہے۔

کنول کی آنکھیں، کان، ناک یہاں تک کہ آواز بھی ایشوریا رائے سے ملتی ہے۔

تاہم کنول چیمہ کو ایشوریا رائے سے مسلسل موازنہ کرنا مایوسی کا باعث لگتا ہے اور وہ اکثر اس ہمشکل قرار دیے جانے پر ناراض ہوتی ہیں پھر بھی سوشل میڈیا صارفین انہیں اسی کا حوالہ دیتے ہیں۔

پاکستانی خاتون کا کیریئر ایشوریا رائے سے بالکل مختلف ہے اور انہوں نے خود کو ممتاز کاروباری خاتون کے طور پر خود کو منوایا ہے۔

کنول چیمہ نے 200 بلین امریکی ڈالر کی کمپنی میں اپنی منافع بخش پوزیشن کو چھوڑ کر اپنا اسٹارٹ اپ مائی امپیکٹ میٹر (ایم آئی ایم) شروع کرنے کا جرات مندانہ فیصلہ کیا، ایک ڈیجیٹل پلیٹ فارم جس کا مقصد غربت کو دور کرنا ہے۔ وہ مائی امپیکٹ میٹر کی بانی اور سی ای او ہیں۔

یہ کمپنی ایک آن لائن پلیٹ فارم ہے جو شفاف، قابل اعتماد، اور مساوی عطیہ کی منتقلی کو یقینی بنانے کے لیے ٹیکنالوجی کا استعمال کرتی ہے اور یہ چیریٹی اور سماجی اثرات کو ڈیجیٹل کرنے کے خیال پر مبنی تھی۔