شہریوں کو ریچھ کے ساتھ سیلفی لینے سے منع کیوں کیا گیا؟

امریکا میں حکام نے ہائی وے کے کنارے پر شہریوں کو ریچھ کے ساتھ سیلفی لینے سے منع کردیا۔

امریکی ریاست فلوریڈا میں حکام نے لوگوں سے اپیل کی ہے کہ وہ سڑک کے کنارے نظر آنے والے اداس ریچھ کے ساتھ سیلفی لینا بند کردیں۔

والٹن کاؤنٹی شیرف کے دفتر نے سوشل میڈیا پر پوسٹس شیئر کیں جس میں بتایا گیا کہ سیاہ ریچھ نے رواں ہفتے کے اوائل میں سانتا روزا بیچ میں ہائی وے 98 کے کنارے کی جگہ کو اپنی آماجگاہ بنا لیا ہے۔

حکام کا کہنا ہے کہ ریچھ پریشان اور افسردہ قرار دیا گیا ہے۔

پوسٹ میں یہ بھی کہا گیا کہ والٹن کاؤنٹی شیرف کے دفتر ہائی وے 98 کے شمال کی طرف اس ریچھ کی نگرانی کر رہے ہیں۔

سڑک سے گزرنے والے شہری ریچھ کے ساتھ سیلفی لینے کی کوشش کرتے ہیں تاہم ریچھ میں شدید تناؤ کے آثار دیکھے گئے ہیں اس لیے شہری سیلفی لینا بند کردیں۔