شاہ رخ خان مجھ سے ملاقات کرلیں، ہانیہ عامر
شوبز انڈسٹری کی معروف اداکارہ ہانیہ عامر نے بالی ووڈ کے بادشاہ شاہ رخ خان سے ملاقات کی خواہش ظاہر کردی۔ اے آر وائی ڈیجیٹل کے بلاک بسٹر ڈرامہ سیریل ’کبھی میں کبھی تم‘ میں ’شرجینا‘ کا مرکزی کردار نبھانے والی اداکارہ ہانیہ عامر ان دنوں کینیڈا کے موجود ہیں اور مختلف تقاریب میں شرکت […]
شوبز انڈسٹری کی معروف اداکارہ ہانیہ عامر نے بالی ووڈ کے بادشاہ شاہ رخ خان سے ملاقات کی خواہش ظاہر کردی۔
اے آر وائی ڈیجیٹل کے بلاک بسٹر ڈرامہ سیریل ’کبھی میں کبھی تم‘ میں ’شرجینا‘ کا مرکزی کردار نبھانے والی اداکارہ ہانیہ عامر ان دنوں کینیڈا کے موجود ہیں اور مختلف تقاریب میں شرکت کررہی ہیں۔
ٹورنٹو میں ہانیہ عامر کے لیے تقریب کا اہتمام کیا گیا اس دوران مداحوں نے ان سے دلچسپ سوالات کیے۔
اداکارہ سے سوال کیا گیا کہ آپ کی کبھی شاہ رخ خان سے ملاقات ہوئی ہے؟
ہانیہ عامر نے کہا کہ شاہ رخ خان اگر آپ یہ ویڈیو دیکھ رہے ہیں تو پلیز مجھ سے مل لیں، میں ابھی تک ان سے نہیں ملی اور یہ بہت اداس کرنے والی بات ہے۔
اس سے قبل ٹورنٹو میں ہی مداحوں کی تقریب میں شادی سے متعلق سوال کا جواب دیتے ہوئے اداکارہ کا کہنا تھا کہ میرا فی الحال شادی کرنے کا کوئی ارادہ نہیں ہے۔
یہ پڑھیں: ہانیہ عامر شادی کب کر رہی ہیں؟ اداکارہ نے بتادیا
ہانیہ عامر کا کہنا تھا کہ میں ایک سادہ سی لڑکی ہوں اور جب بھی میری شادی ہوگی تو میں سب کو بتا کر کروں گی کسی سے کچھ نہیں چھپاؤں گی۔
ان کا کہنا تھا کہ جب آپ کسی کو اپنے دل کی گہرائی سے پیار کرتے ہیں تو کوئی بھی پابندی آپ کو روک نہیں سکتی، اداکارہ نے ایک اور سوال پر کہا کہ سرحدیں لوگوں کو الگ نہیں کر سکتیں۔
آپ کا ردعمل کیا ہے؟
