امریکا کے معروف ٹک ٹاک اسٹار سر پر گولی لگنے سے ہلاک

امریکا کے معروف باڈی بلڈر اور ٹک ٹاک اسٹار کرس او ڈونل سر پر گولی لگنے سے 31 سال کی عمر میں جان کی بازی ہار گئے۔

امریکا کے معروف ٹک ٹاک اسٹار اور باڈی بلڈر کرس اوڈونل کے سوشل میڈیا پر 8 لاکھ سے زائد فالوورز ہیں وہ فٹنس انفلوئنسرز کے حوالے سے اچھی شہرت رکھتے تھے، ان کی موت کی تصدیق میری کوپا میڈیکل اگزامنر نے سوشل میڈیا پوسٹ کے ذریعے کی۔

حکام کے مطابق ٹک ٹاک اسٹار کی موت سر پر گولی لگنے کے باعث ہوئی ہے۔

امریکی میڈیا کے مطابق او ڈونل ایک تجربہ کار کراس فِٹ کوچ تھے اور ان کا کھیلوں میں پس منظر لاکروس سے جڑا تھا، جہاں انہوں نے کالج کے دوران تین بار آل امریکن اعزاز حاصل کیا۔

اس کے بعد وہ لاکروس کوچنگ سے علیحدگی اختیار کر کے اپنے خاندان اور پیشہ ورانہ کیریئر سے جڑ گئے تھے۔ او ڈونل 2021 سے ٹک ٹاک پر سرگرم تھے اور ورجینیا کے شہر نورفوک میں رہائش اختیار کئے ہوئے تھے۔

اس سے قبل دنیا کو غزہ کی مشکلات دکھانے والے مشہور فلسطینی ٹک ٹاکر 19 سالہ محمد حلیمے بھی اسرائیلی فورسز کی بمباری کی زد میں آکر شہادت کے رتبے پر فائز ہوگئے تھے۔

محمد حلیمے اپنی ویڈیوز میں غزہ کے پناہ گزین کیمپوں میں فلسطینیوں کے حالات سے دنیا کو آگاہ کرتے تھے۔

معروف ٹک ٹاکر کی شہادت اس وقت ہوئی جب اسرائیلی فورسز نے ایک گاڑی پر حملہ کیا، ٹک ٹاکر اس وقت خیمے میں بنے انٹرنیٹ کیفے میں اپنے دوست طلال مراد کے ساتھ سیلفی بنا رہے تھے جسے محمد حلیمے نے سوشل میڈیا پر ’بالآخر ملاقات ہوگئی‘ کے کیپشن کے ساتھ پوسٹ کیا۔

مشہور خاتون ٹک ٹاک اسٹار کا بہیمانہ قتل

حملے میں بچ جانے والے شہید کے دوست طلال مراد کا کہنا تھا کہ ویڈیو بنانے کے دوران اچانک دھماکا ہوا جس میں محمد حلیمے شہید ہوگئے اور وہ زخمی ہوئے۔ یاد رہے کہ حلیمے کی ویڈیوز نے دنیا بھر میں ہزاروں لوگوں کی توجہ حاصل کی۔