ہمایوں سعید اور ماہرہ خان کے مداحوں کے لیے خوشخبری

لالی ووڈ کی معروف جوڑی ہمایوں سعید اور ماہرہ خان نئی فلم ’لو گرو‘ میں ساتھ جلوہ گر ہوں گے۔

ندیم کی ہدایت کاری میں بننے والی فلم ’لو گرو‘ میں ماہرہ خان اور ہمایوں سعید کے ہمراہ اداکارہ سوہائے علی ابڑو کی بھی انڈسٹری میں واپسی ہوئی ہے۔

فلم ’لو گرو‘ کی شوٹنگ کا پہلا شیڈول کراچی میں رکھا گیا ہے اور شیڈول میں ماہرہ خان اور ہمایوں سعید نے اپنے سین کی شوٹنگ کا آغاز کردیا ہے۔

رپورٹ کے مطابق ہدایت کار اور اسکرین رائٹر واسع چوہدری نے فلم ’لو گرو‘ کی کہانی لکھی ہے جبکہ فلم کی ریلیز کی تاریخ کے حوالے سے ابھی کچھ نہیں بتایا گیا ہے۔

فلم ’لو گرو‘ کی کہانی بھی تاحال سامنے نہیں آئی لیکن سوشل میڈیا صارفین کا اندازہ ہے کہ یہ ایک رومانوی فلم ہوگی۔

واضح رہے کہ اس سے قبل ہمایوں سعید ’لندن نہیں جاؤں گا ‘جبکہ ماہرہ خان دو فلموں ’قائد اعظم زندہ باد‘ اور ’دی لیجنڈ آف مولا جٹ‘ میں نظر آئی تھیں۔

ہمایوں سعید اس سے قبل ندیم بیگ کی ہدایت کاری میں بننے والی فلم ’جوانی پھر نہیں آنی ون اور ٹو‘ اداکاری کے جوہر دکھا چکے ہیں۔