کینو اور انڈوں کے چھلکوں کا پاؤڈر، چہرہ صاف اور چمکدار

چہرے کو خوشگوار رکھنے اور خوبصورت بنانے کیلیے کینو کے چھلکے اور انڈوں کے چھلکوں کا استعمال اور اس کا رزلٹ آپ کو بھی حیرت زدہ کردے گا۔

ماہرین کا ماننا ہے کہ اگر آپ روز ایک کینو کھائیں تو آپ متعدد بیماریوں سے بچے رہنے کے ساتھ انڈے کا چھلکا کیلشیم کاربونیٹ پر مشتمل ہوتا ہے اس میں پروٹین اور دیگر مرکبات بھی پائے جاتے ہیں۔

اس حوالے سے اے آر وائی ڈیجیٹل کے پروگرام گڈ مارننگ پاکستان میں ماہر بیوٹیشن نے ایک بہترین اور انتہائی کم خرچ نسخہ بیان کیا جس کے استعمال سے آپ کی جلد نرم و ملائم اور چمکدار ہوجائے گی۔

انہوں نے بتایا کہ اسے بنانے کیلیے صرف دوچیزیں درکار ہیں، پہلی چیز کینو کے چھلکوں کا پاؤڈر اور دوسری انڈوں کے چھلکوں کا پاؤڈر ان دونوں کو ایک ایک چمچ لے کر پانی کے ساتھ پیسٹ بنالیں۔

انہوں نے بتایا کہ وٹامن سی سے بھرپور کینو کے چھلکے میں کئی فوائد پوشیدہ ہیں اور انڈے کا چھلکا کیلشیم کاربونیٹ پر مشتمل ہوتا ہے۔

سارا دن میک اپ کی وجہ سے جو پگمینٹیشن ہوتی ہے خشکی یا دیگر خرابیاں پیدا ہوتی ہیں یہ پیسٹ اس کا خاتمہ کردے گا۔

کینو کے چھلکوں کو دھوپ میں سکھا کر اس کو پیس لیں جس کے بعد یہ پاؤڈر کی صورت اختیار کرجائے گا اور اسی طرح انڈوں کے خالی خول سکھا کر اچھی طرح پیس لیں کہ کوئی گنجائش نہ رہے۔

اب اس سے روزانہ چہرے کا مساج کریں ایسا کرنے سے آپ کے چہرے کی جلد نرم ملائم ہوجائے گی اور سورج کی شعاعیں بھی آپ کے رنگ کو متاثر نہیں کرسکیں گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔