’ڈومیسٹک ٹورنامنٹس سے نیا ٹیلنٹ سامنے آئے گا؟‘

چیئرمین پی سی بی محسن نقوی نے ڈومیسٹک کرکٹ سیزن 25-2024 میں تین نئے چیمپئنز ٹورنامنٹس کرانے اور ڈومیسٹک کرکٹرز کے معاوضوں میں اضافے کا اعلان کیا۔

پروگرام اسپورٹس روم میں میزبان نجیب الحسنین نے سوال کیا کہ ’تین نئے ڈومیسٹک ٹورنامنٹس سے فائدہ ہوگیا یا نام بدل کر پرانی چیزیں ہیں؟

شاہد ہاشمی نے کہا کہ ڈومیسٹک ٹورنامنٹس میں بہترین کھلاڑی شرکت کریں گے جس کا فائدہ ہونا چاہیے، اس پر عملدرآمد کرنا پی سی بی کا فرض ہے۔

انہوں نے کہا کہ وقار یونس، ندیم خان، جنید ضیا کو چاہیے کہ ان ٹورنامنٹس پر عملدرامد کریں تاکہ اچھے رزلٹ سامنے آئیں اور نیا ٹیلنٹ بھی مل سکے۔

اسپورٹس تجزیہ کار نے کہا کہ اس سے قبل پی سی بی نے جب بھی ڈومیسٹک ایونٹس کی بات کی ہے تو کہا جاتا ہے کہ ہم ڈومیسٹک اور انٹرنیشنل کرکٹ کے فرق کو کم کرنا چاہتے ہیں۔

ایک سوال کے جواب میں شاہد ہاشمی نے کہا کہ پاکستان کے انٹرنیشنل میچز کی تعداد کافی زیادہ ہے اور دو لیگ بھی کھیلنے جائیں گے، وقار یونس سمیت دیگر لوگوں کو اس چیز کو دیکھنا ہوگا کہ کھلاڑیوں کی کس طرح ڈومیسٹک کرکٹر میں دستیابی یقینی بنائی جائے۔

سرجری کے سوال پر انہوں نے کہا کہ یہ خبریں سامنے آئی تھیں کہ دو تین کھلاڑیوں کے خلاف ایکشن لیا جائے گا لیکن اس کی پی سی بی کی جانب سے تردید کردی گئی ہے۔

انہوں نے کہا کہ ہم نے اب تک بابر اعظم یا گیری کرسٹن سے یہ نہیں سنا کہ ٹی 20 ورلڈ کپ میں کیا ہوا؟ وہ کچھ تو بتاتے تھے پاکستان کیوں ورلڈ کپ میں دو جیتے ہوئے میچز ہار گیا۔