پیرس اولمپکس اختتامی تقریب کی رنگا رنگ دلچسپ جھلکیاں
کھیلوں کی دنیا کے سب سے بڑے میلے پیرس اولمپکس کا اختتام ہوگیا 17 روز تک کروڑوں شائقین کھیل کو محظوظ کرنے والے اولمپکس کی کچھ جھلکیاں دیکھیں۔ کھیلوں کی دنیا کے سب سے بڑے مقابلے پیرس اولمپکس 2024 17 روز جاری رہنے کے بعد رنگا رنگ تقریب کے ساتھ اختتام پذیر ہوگئے۔ اختتامی تقریب […]
کھیلوں کی دنیا کے سب سے بڑے میلے پیرس اولمپکس کا اختتام ہوگیا 17 روز تک کروڑوں شائقین کھیل کو محظوظ کرنے والے اولمپکس کی کچھ جھلکیاں دیکھیں۔
کھیلوں کی دنیا کے سب سے بڑے مقابلے پیرس اولمپکس 2024 17 روز جاری رہنے کے بعد رنگا رنگ تقریب کے ساتھ اختتام پذیر ہوگئے۔ اختتامی تقریب میں 206 ممالک کے دستوں نے اولمپک اسٹیڈیم میں اپنے اپنے ملک کا جھنڈا تھام کر مارچ پاسٹ کیا۔ پاکستان کی نمائندگی اسپرنٹر فائقہ ریاض نے کی۔
تمام براعظموں کے ایتھلیٹس اور ریفیوجی اولمپک ٹیم نے مل کر 2024 کے کھیلوں کی اولمپک مشعل کو بجھا کر باضابطہ پیرس اولمپک کے اختتام کا اعلان کیا۔
اختتامی تقریب پیرس کے اولمپک اسکواڈ کے نیچے شروع ہوئی، جو ایک غبارے سے لٹکی ہوئی تھی، جس میں بجلی اور ایل ای ڈی اسپاٹ لائٹس سے بنی ایک ڈرامائی آگ لگی ہوئی تھی۔
میگا ایونٹ کی اختتامی تقریب کا آغاز سائنس فکشن سے متاثر لائٹ شو سے ہوا جس میں سنہرے لباس میں ملبوس متعدد خلائی مخلوق تاریک اور بنجر مستقبل کے پس منظر میں گھوم رہی تھیں۔ ان خلائی مخلوق نے اولمپکس رنگز میں سے گزرنے کے حیرت انگیز کرتب دکھا کر شائقین کے دل کو موہ لیا۔
اس کے بعد فرانسیسی گلوکار بیسلٹ نے مائی وے کی شاندار پرفارمنس پیش کی، اس گانے کو انگلش میں ریکارڈ کیا گیا تھا۔
اولمپک مشعل کے لیے بنایا گیا خصوصی غبارہ بیلون کولڈرن شہر کا سب سے معروف مقام کی حیثیت اخیتار کر گیا تھا، فرانس کے سیاست دانوں اور شہریوں نے مطالبہ کیا ہے کہ اختتامی تقریب کے بعد اسے مستقل طور پر پیرس میں ایک نئے سنگ میل کے طور پر رکھا جانا چاہیے۔
تھامس بیخ نے 2028 اولمپکس کے میزبان لاس اینجلس کی میئر کو اولمپک فلیگ دیا جس کے بعد منفرد انداز میں ہالی ووڈ اداکار ٹام کروز کی اسٹیڈیم میں انٹری ہوئی اور وہ اولمپکس فیلگ کے ساتھ روانہ ہوگئے۔
اسٹیج پر پیرس اولمپک آرگنائزنگ کمیٹی کے صدر ٹونی اسٹیگوئٹ اور انٹرنیشنل اولمپک کمیٹی کے صدر تھامس بیخ چھ نمایاں ایتھلیٹس کے ساتھ اسٹیج پر آئے جب کہ ٹونی اسٹیگوئٹ نے اپنے خطاب میں ایتھلیٹس اور تھامس بیخ نے منتظمین کا شکریہ ادا کیا۔
آخر میں تھامس بیخ کے پیرس اولمپکس کے باقاعدہ اختتام کے اعلان کے ساتھ اولمپک مشعل کو بجھا دیا گیا اور دلکش آتش بازی کے ساتھ تقریب بھی ختم ہوئی۔
پیرس گیمز کے اختتام کے بعد اب پیرا اولمپکس 2024 فرانس کے دارالحکومت میں 28 اگست سے 8 ستمبر تک منعقد ہوں گے۔
آپ کا ردعمل کیا ہے؟
