پاکستان کیخلاف ایمی جونز کے حیرت انگیز کیچ نے دھوم مچادی

انگلینڈ اور پاکستان کی خواتین کرکٹ ٹیموں کے درمیان ہونے والے پہلے ٹی ٹوئنٹی مقابلے میں انگلش وکٹ کیپر نے حیرت انگیز کیچ تھام لیا۔

پاکستان خواتین کے خلاف ٹی ٹوئنٹی سیریز میں انگلینڈ ویمنز ٹیم نے شاندار شروعات کی ہے۔ برمنگھم میں 11 مئی کو ہونے والے پہلے ٹی ٹوئنٹی مقابلے میں میزبان ٹیم فاتح ٹھہری۔ تاہم میچ کے خاص لمحات میں سے ایک انگلش وکٹ کیپر ایمی جونز کا غیر معمولی کیچ تھا۔

انگلش بولر لارین بیل چھٹا اوور کررہی تھیں ان کی دوسری ڈلیوری نہایت شاندار تھی جسے پاکستانی اوپنر گل فیروزہ بالکل سمجھ نہ سکیں۔

گیند نے ان کے بلے کا اندونی کنارہ لیا اور پیچھے کھڑی وکٹ کیپر ایمی جونز نے ڈائیو کرتے ہوئے پلک جھپکتے میں شاندار کیچ تھام لیا، جس کی ویڈیو سوشل میڈیا پر وائرل ہوگئی۔

مذکورہ کیچ کا کلپ سوشل میڈیا پر تیزی سے وائرل ہو رہا ہے، اس میں جونز کو اپنے بائیں طرف ہوا میں غوطہ لگاتے ہوئے ایک ہاتھ سے گیند پکڑتے دیکھا جاسکتا ہے جس سے تماشائی اور کمنٹیٹرز دنگ رہ گئے۔

RIDICULOUS grab from Amy Jones

Match centre https://t.co/orbI9lnbyV #EnglandCricket pic.twitter.com/aJI694Hci7

— England Cricket (@englandcricket) May 11, 2024

واضح رہے کہ انگلینڈ کے خلاف پہلے ٹی 20 میچ میں خواتین قومی کرکٹ ٹیم کو 53 رنز سے شکست کا سامنا کرنا پڑا تھا۔

انگلش ٹیم نے پہلے بیٹنگ کرتے ہوئے قومی ٹیم کو جیت کے لیے 164 رنز کا ہدف دیا، جس کے تعاقب میں پاکستان کی پوری ٹیم 18.2 اوورز میں 110 رنز پر ڈھیر ہوگئی تھی۔