پاکستان کی وائٹ بال ٹیم کے کپتان کا اعلان کب ہو گا؟

پاکستان کے سابق وکٹ کیپر بلے باز راشد لطیف نے کہا ہے کہ قومی ٹیم کی وائٹ بال کی کپتانی کا فیصلہ نقوی رضوان ملاقات کے بعد ہوگا۔

اپنے سوشل میڈیا پلیٹ فارمز پر ایک حالیہ پوسٹ میں لطیف نے اشارہ دیا کہ ٹیم کے مستقبل کے بارے میں فیصلہ پی سی بی کے چیئرمین محسن نقوی اور محمد رضوان کے درمیان اہم ملاقات کے بعد کیا جائے گا۔

انہوں نے اشارہ کرتے ہوئے کہا کہ ون ڈے اور ٹی ٹوئنٹی کی کپتانی کے حوالے سے فیصلہ چیئرمین پی سی بی اور محمد رضوان کے درمیان ملاقات کے بعد کیا جائے گا، ملاقات متوقع تھی لیکن پی سی بی کے سربراہ ملک میں نہیں تھے جس کی وجہ سے دونوں فارمیٹس کے لیے نئے کپتان کا اعلان کرنے میں تاخیر ہوئی۔

کپتانی کی غیر یقینی صورتحال 2 اکتوبر کو بابر اعظم کے استعفیٰ کے بعد سامنے آئی تھی جس کا اعلان انہوں نے اپنے سوشل میڈیا چینلز کے ذریعے کیا۔

اس وقت شان مسعود کو ریڈ بال کا کپتان مقرر کیا گیا تھا جبکہ شاہین آفریدی نے ٹی ٹوئنٹی ٹیم کی ذمہ داری سنبھالی تھی۔ آفریدی کی قیادت میں مایوس کن آغاز کے بعد، نقوی کی قیادت میں بابر کو 2024 کے T20 ورلڈ کپ سے قبل وائٹ بال کے کپتان کے طور پر بحال کر دیا گیا۔

بابر کے مستعفی ہونے کے بعد محمد رضوان اور محمد حارث جیسے نام کپتانی کے لیے ممکنہ امیدواروں کے طور پر سامنے آئے۔