پانی میں یہ تین چیزیں ملائیں، ثناء حسین نے اپنی خوبصورتی کا راز بتا دیا

کراچی : مختلف ٹی وی ڈراموں میں اپنی اداکاری کے جوہر دکھا نے والی معروف اداکارہ اداکارہ ثناء حسین نے مداحوں کو اپنی خوبصورتی اور اسمارٹنیس کا راز بتا دیا۔

پاکستان شوبز انڈسٹری کی مشہور و معروف اداکارائیں سونیا حسین ثناء حسین اور صائمہ حسین جو آپس میں سگی بہنیں بھی ہیں  نے اے آر وائی ڈیجیٹل کے پروگرام شان سحور میں شرکت کی۔

پروگرام کی میزبان ندا یاسر کی جانب سے ان کی خوبصورتی کے حوالے سے پوچھے گئے ایک سوال کے جواب میں انہوں نے بتایا کہ ایک گلاس پانی میں ایک چمچ تخم بالنگا، ایک چمچ السی کے بیج اور دو سے تین قطرے سیب کا سرکہ ملا لیں۔

انہوں نے بتایا کہ اس پانی کو روزانہ ایک گلاس پئیں، اس ٹوٹکے کا اتنا زیادہ فائدہ ہے کہ صرف 5 مہینے میں اضافی وزن اور بہت سی پیچیدگیوں سے نجات مل جائے گی۔

اس موقع پر تینوں بہنوں نے بتایا کہ وہ اور ان کی والدہ سب مل کر ایک ساتھ ایکسر سائز کرنے جم جاتے ہیں، انہوں نے بتایا کہ امی صحت کے معاملے میں بہت زیادہ احتیاط برتتی ہیں اور سب کا خیال رکھتی ہیں۔