ویڈیو: لڑکا چلتی ٹرین سے موبائل فون چھین کر فرار
بھارت میں لڑکا چلتی ٹرین سے موبائل فون چھین کر فرار ہوگیا جس کی ویڈیو سوشل میڈیا پر وائرل ہوگئی۔ فوٹو اور ویڈیو شیئرنگ ایپ انسٹاگرام پر ’فیئر آف لائف‘ کے پیج سے ویڈیو شیئر کی جس میں لڑکے کو چلتی ٹرین سے موبائل فون چھین کر فرار ہوتے دیکھا جاسکتا ہے۔ وائرل ویڈیو میں […]
بھارت میں لڑکا چلتی ٹرین سے موبائل فون چھین کر فرار ہوگیا جس کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر ’فیئر آف لائف‘ کے پیج سے ویڈیو شیئر کی جس میں لڑکے کو چلتی ٹرین سے موبائل فون چھین کر فرار ہوتے دیکھا جاسکتا ہے۔
وائرل ویڈیو میں دیکھا جاسکتا ہے کہ ٹرین آہستہ آہستہ چل رہی ہے اور ایک شخص موبائل فون استعمال کررہا ہے۔
لڑکا ٹرین کے ساتھ ساتھ چلتا رہتا ہے اور اچانک ہی مسافر کے ہاتھ سے فون چھینتا ہے اور رفو چکر ہوجاتا ہے۔
سوشل میڈیا صارفین کا کہنا ہے کہ یہ اسٹیشن ستنا یا ریوا علاقے میں ہے، مذکورہ ویڈیو بظاہر پلیٹ فارم پر لڑکے سے چند میٹر کے فاصلے پر کھڑے شخص نے ریکارڈ کی ہے۔
ویڈیو پر سوشل میڈیا صارفین کی جانب سے کہا جارہا ہے کہ جس شخص نے ویڈیو ریکارڈ کی ہے اسے پکڑا جائے کیونکہ اس نے چور کو روکنے کے لیے کچھ نہیں کیا۔
ایک صارف نے لکھا کہ کیمرہ مین ممکنہ طور پر چوری میں ملوث تھا۔
بھارتی ریلوے حکام نے مسافروں کو مشورہ دیا ہے کہ وہ کھڑکی کے پاس بیٹھ کر فون استعمال نہ کریں خاص طور پر اس وقت جب ٹرین پلیٹ فارم پر رکتی ہے۔
آپ کا ردعمل کیا ہے؟
