ویڈیو: شائقین کرکٹ کا جوش بڑھاتا چیمپئنز ٹرافی کا نیا پرومو جاری
چیمپئنز ٹرافی کا آغاز 19 فروری سے پاکستان میں ہو رہا ہے آئی سی سی نے میگا ایونٹ کا نیا پرومو جاری کر دیا جسمیں پاکستانی کرکٹرز نمایاں ہیں۔ آئی سی سی چیمپئنز ٹرافی کے آغاز میں ایک ماہ سے بھی کم وقت رہ گیا ہے۔ ٹورنامنٹ کا افتتاحی میچ 19 فروری کو کراچی کے […]
چیمپئنز ٹرافی کا آغاز 19 فروری سے پاکستان میں ہو رہا ہے آئی سی سی نے میگا ایونٹ کا نیا پرومو جاری کر دیا جسمیں پاکستانی کرکٹرز نمایاں ہیں۔
آئی سی سی چیمپئنز ٹرافی کے آغاز میں ایک ماہ سے بھی کم وقت رہ گیا ہے۔ ٹورنامنٹ کا افتتاحی میچ 19 فروری کو کراچی کے نیشنل اسٹیڈیم میں دفاعی چیمپئن پاکستان اور نیوزی لینڈ کے درمیان کھیلا جائے گا۔
انٹرنیشنل کرکٹ کونسل (آئی سی سی) نے شائقین کرکٹ کا جوش بڑھاتا چیمپئنز ٹرافی کا نیا آفیشل پرومو جاری کر دیا ہے۔ اس پرومو میں شریک تمام ممالک کے کھلاڑی شامل ہیں تاہم پاکستانی کرکٹرز نمایاں ہیں۔
اس نئے پرومو میں مشہور بالی ووڈ فلم سیریز مشن امپوسیبل کا اسٹائل اپناتے ہوئے کھلاڑیوں کو عمارت کی چھت سے ٹرافی کی طرف بڑھتے اور اسے حاصل کرنے کی جدوجہد کرتے دکھایا گیا گیا ہے۔
اس پرومو میں پاکستانی کرکٹرز شاہین شاہ آفریدی، شاداب خان، بھارت کے ہاردیک پانڈیا، انگلینڈ کے فل سالٹ اور افغانستان کے محمد نبی نمایاں ہیں۔
یہ تمام کرکٹرز ٹرافی حاصل کرنے کے لیے کوشاں دکھائی دیتے ہیں اور ساتھ کہتے ہیں کہ یہ چیمپئنز کا گیم ہے، مقابلے میں مزا آئے گا۔
مذکورہ تینوں کھلاڑی ایک جگہ جمع ہوکر ڈبلیو ڈبلیو ای (ریسلنگ) کی طرح کا اسٹائل دیتے بھی دکھائی دیتے ہیں۔
اس پرومو کے آخر میں شریک تمام ٹیموں کے میچز کے یادگار لمحات کو شامل کیا گیا ہے۔
چیمپئنز ٹرافی میں صائم ایوب کا متبادل شان مسعود! یہ تجویز کس نے پیش کی؟
آپ کا ردعمل کیا ہے؟
