ویسٹ انڈیز کیخلاف آخری بال پر میچ ہارنے کے بعد قومی ویمنز کپتان نے کیا کہا؟

ویسٹ انڈیز ویمنز کرکٹ ٹیم کے خلاف دوسرا ون ڈے میچ آخری بال پر ہارنے کے بعد قومی ویمنز کپتان نے اپنے خیالات کا اظہار کیا ہے۔

تفصیلات کے مطابق قومی ویمنز کرکٹ ٹیم کی کپتان ندا ڈار کا کہنا تھا کہ آخری گیند پرمیچ کا فیصلہ ہوا۔ بدقسمتی سے ہم ہارنے والی ٹیم تھے، اس میچ کا نتیجہ کچھ بھی ہوسکتا تھا۔

قومی ویمنز کرکٹ ٹیم کی کپتان نے کہا کہ ابتدا میں رنز کرنا آسان نہیں ہوتا، سدرہ نے بہت اچھی اننگز کھیلی۔

قومی کرکٹر بسمہ معروف نے کہا کہ ہماری کوشش ہوگی کہ موجودہ فائٹنگ اسپرٹ آخری میچ تک برقرار رہے۔

انھوں نے کہا کہ چھوٹی چھوٹی پارٹنرشپ سے اسکور اچھا جارہا تھا، بولنگ کے ساتھ آج فیلڈنگ میں بھی کارکردگی اچھی رہی۔

واضح رہے کہ ویسٹ انڈین ویمنز کرکٹ ٹیم نے سنسنی خیز مقابلے کے بعد پاکستانی خواتین کیخلاف دوسرا ون ڈے میں بھی فتح حاصل کی تھی۔

پاکستانی خواتین میچ کو آخری بال تک لے آئی تھیں مگر سیریز میں وہ کامیابی کا کھاتہ نہ کھول سکیں۔ ویسٹ انڈین ویمنز کرکٹ ٹیم نے سنسنی خیز مقابلہ 2 وکٹوں سے اپنے نام کیا تھا۔