نیتا امبانی کی خصوصی پانی کی بوتل کی قیمت جان کر ہر کسی کے ہوش اڑ گئے

بھارت کے ارب پتی تاجر، ریلائنس انڈسٹریز کے چیئرمین و منیجنگ ڈائریکٹر مکیش امبانی کی اہلیہ نیتا امبانی کے زیرِ استعمال خصوصی پانی کی بوتل کی قیمت جان کر ہر کسی کے ہوش اڑ گئے۔

نیتا امبانی کو دنیا کی امیر ترین شخصیات کی فہرست میں شامل شخصیت کی اہلیہ ہونے کا اعزاز حاصل ہے جن کے لائف اسٹائل سے ہر کوئی متاثر ہوتا ہے۔

ارب پتی تاجر کی اہلیہ خوبصورت اور دلکش نظر آنے کیلیے منفرد ڈیزائن کی بوتل میں دنیا کا مہنگا ترین پانی پیتی ہیں۔ سونے سے بنی بوتل کی قیمت 49 لاکھ (بھارتی روپے) ہے جسے مشہور ڈیزائنر فرنینڈو الٹامیرانو نے تیار کیا ہے۔

بوتل میں موجود دنیا کے مہنگے ترین پانی کو (Acqua di Cristallo Tributo a Modigliani) کہتے ہیں۔ پانی میں 24 قیراط سونے کے ذرات کے ساتھ فجی اور فرانس کے قدرتی چشمے اور آئس لینڈ کے گلیشیئر کا پانی موجود ہے۔ مذکورہ پانی پینے سے انسانی جلد تروتازہ اور دلکش نظر آتی ہے۔

اگر بوتل کی بات کی جائے تو اسے ایک نیلامی میں 60 ہزار ڈالر کے عیوض فروخت کیا گیا تھا۔

سونے کی بوتل سے پانی پیتے ہوئے نیتا امبانی کی تصویر سوشل میڈیا پر ایک بار پھر وائرل ہو رہی ہے تاہم اس تصویر کا تعلق 2015 میں انڈین پریمیئر لیگ (آئی پی ایل) کے ایک میچ سے ہے۔