’مرزا پور‘ کے مداحوں کے لیے بڑی خوشخبری آگئی
بھارت کی مقبول ترین ویب سیریز ’مرزا پور‘ کے سیزن 4 اور اس پر مبنی فلم کی شوٹنگ سے متعلق اہم خبر سامنے آگئی۔ بھارتی میڈیا رپورٹ کے مطابق مرزا پور ویب سیریز 2018 میں ریلیز ہوئی تھی اور اس کو شائقین کی جانب سے اس قدر پسند کیا گیا تھا کہ اسکے دوسرے سیزن […]
بھارت کی مقبول ترین ویب سیریز ’مرزا پور‘ کے سیزن 4 اور اس پر مبنی فلم کی شوٹنگ سے متعلق اہم خبر سامنے آگئی۔
بھارتی میڈیا رپورٹ کے مطابق مرزا پور ویب سیریز 2018 میں ریلیز ہوئی تھی اور اس کو شائقین کی جانب سے اس قدر پسند کیا گیا تھا کہ اسکے دوسرے سیزن کا سب سے بے صبری انتظار کیا جو 2020 میں اسٹریمنگ کے لیے پیش کیا گیا۔
اپریل 2024 میں مرزا پور کے تیسرے سیزن کا اعلان کیا گیا جو کہ 5 جولائی کو ریلیز کیا گیا اور ایک بار پھر یہ ویب سیریز کامیاب ہوئی۔
اب پرائم ویڈیو’ کے آفیشل انسٹاگرام اکاؤنٹ سے جاری ٹیزر کے مطابق سپرہٹ ویب سیریز ‘مرزا پور’ اب تھیٹرز میں فلم کی صورت میں ریلیز ہوگی۔
ٹیزر میں اس ویب سیریز کے مقبول ترین کردار قالین بھیا (پنکج ترپاٹھی) شائقین سے یہ وعدہ کرتے دکھائی دیے کہ مرزا پور فلم، ویب سیزیز سے زیادہ چونکا دینے والی اور سنسنی خیز ہوگی۔
اب یہ خبر سامنے آئی ہے کہ گرمیت سنگھ کی ہدایت کاری میں بننے والی ‘مرزاپور فلم’ کے ساتھ ہی مرزاپور کے چوتھے سیزن کی شوٹنگ بھی رواں برس ستمبر 2025 سے شروع ہوجائے گی۔
فلم اور سیریز کو بیک وقت شوٹ کرنا یقیناً ایک مشکل اور چیلنج سے بھرپور کام ہوسکتا ہے لیکن ذرائع کا کہنا ہے کہ اس حکمت علمی کا مقصد یہ ہے کہ اس سے نہ صرف فلم اور ویب سیریز، دونوں فارمیٹس کی کہانی میں تسلسل کو یقینی بنایا جا سکے گا بلکہ شوٹنگ کیلئے تمام اداکاروں کی دستیابی کی تاریخیں لینا بھی زیادہ آسان ہوجائے گا۔
اگر تمام چیزیں منصوبہ بندی کے مطابق ہوتی ہیں تو ستمبر میں شوٹنگ اُتر پردیش میں شروع ہو جائے گی جبکہ اس کا کچھ حصہ ممبئی میں بھی فلمایا جائے گا۔
آپ کا ردعمل کیا ہے؟
