صرف لیموں میں ایک چیز ملائیں : بچوں کی جلد کی بہترین حفاظت

اکثر دیکھا گیا ہے کہ بچے جب بہت چھوٹے ہوتے ہیں تو ان کی جلد خوبصورت اور نرم و ملائم ہوتی ہے لیکن اسکول جانے اور کھیل کود کی مختلف سرگرمیوں کے باعث ان کی جلد کی رنگت خراب ہوجاتی ہے۔

اے آر وائی ڈیجیٹل کے پروگرام گڈ مارننگ پاکستان میں پاکستان شوبز کی معروف اداکارہ سعدیہ امام نے اس مسئلے کا حل بیان کیا اور ماؤں کو بہترین مشورے دیئے۔

انہوں نے بتایا کہ میری بیٹی سوئمنگ کیلئے یا اسکول کی سرگرمیوں میں کہیں جاتی ہے تو میں ایک کام لازمی کرتی ہوں کہ اس کی اسکن پر دودھ یا ٹماٹر کاٹ کر مل دیتی ہوں اس کے ساتھ میں بچوں کی جلد پر سن بلاک ہر صورت میں لازمی لگاتی ہوں۔

انہوں نے کہا کہ اسکول جانے والے بچوں کو متوازن اور صحت مند غذا دی جائے کیونکہ یہ بڑھنے کی عمر ہوتی ہے اور بچے چیزوں کو تیزی سے سیکھتے ہیں۔

انہوں نے کہا کہ خصوصاً خواتین چہرے کی جلد کو نرم و ملائم اور تازہ رکھنے کیلیے گلاب کا عرق، گلیسرین اور لیموں کا رس، ان تینوں چیزوں کو ملا کر ایک بوتل میں ڈال کر رکھ لیں۔ اس کو لگانے سے چہرے اور ہاتھوں کی جلد صاف اور چکمدار ہوجائے گی۔

پروگرامیں گفتگو کرتے ہوئے اداکارہ عروبہ مرزا نے بتایا کہ میں دہی اور شہد کے اندر گلاب کے پھول کی خشک پتیوں کو پیس کر اس میں ملا کر ایک پیسٹ بناتی ہوں اس کے لگانے سے چہرے کی جلد گلو کرتی ہے۔ اس پیسٹ کو پورے جسم پر بھی لگایا جاسکتا ہے۔