سائنس فکشن فلم کالکی 2898 نے باکس آفس پر تاریخ رقم کردی

تیلگو فلم انڈسٹری سے تعلق رکھنے والے معروف ہدایتکار ناگ اشوین کی سائنس فکشن فلم ’کالکی 2898 اے ڈی ‘ نے دنیا بھر میں 3 دن کے اندر ریکارڈ بزنس کرلیا۔

بھارتی میڈیا کے مطابق 27 جون کو ریلیز ہونے والی فلم ’ کالکی 2898 اے ڈی کی دنیا بھر میں دھوم ہے، فلم نے صرف 3 دن کے اندر 415 کروڑ کا بزنس کرلیا ہے۔

میڈیا رپورٹ کے مطابق فلم کالکی 500 کروڑ تک پہنچنے والی تیز ترین فلم بن گئی، فلم نے اپنے پہلے دن تمام زبانوں میں باکس آفس پر دنیا بھر میں 191.5 کروڑ روپے کا بزنس کیا تھا۔

فلم کو دنیا بھر میں 6 زبانوں میں ریلیز کیا گیا ہے، وی جے یانتھی پروڈکشن کے بینر تلے اس فلم نے اپنے ریلیز کے تین دن کے اندر ہی گراس باکس آفس کلیکشن پر 415 کروڑ  کا دنیا بھر میں بزنس کرلیا ہے۔

واضح رہے کہ اس فلم میں تیلگو سپر اسٹار پرابھاس، بالی ووڈ سپر اسٹار امیتابھ بچن، کمل ہاسن، دیپکا پڈوکون، دیشا پٹانی اور دیگر نے زبردست اداکارہ کے جوہر دکھائے ہیں۔

فلم کالکی اے ڈی 2898 میں امیتابھ بچن نے اشوتھاما کا کردار ادا کیا جبکہ کمل ہاسن کو ’سپریم یاسکین‘ دکھایا گیا ہے، یہ جمعرات 27 جون کو  تھیٹر پر ریلیز کی گئی تھی۔