رام چرن کی ’گیم چینجر‘ کے ٹیزر نے دھوم مچادی
بھارتی تامل فلموں کے سپر اسٹار رام چرن کی ایکشن فلم ’گیم چینجرز‘ کے ٹیزر نے ریلیز ہوتے ہی دھوم مچادی۔ ’گیم چینجر‘ کے ٹیزر میں اداکار رام چرن کو ایک نئے اور دلکش انداز میں دکھایا گیا ہے، جس سے فلم میں آنے والے زبردست ایکشن سین کی جھلک ملتی ہے جبکہ وہ فلم […]
بھارتی تامل فلموں کے سپر اسٹار رام چرن کی ایکشن فلم ’گیم چینجرز‘ کے ٹیزر نے ریلیز ہوتے ہی دھوم مچادی۔
’گیم چینجر‘ کے ٹیزر میں اداکار رام چرن کو ایک نئے اور دلکش انداز میں دکھایا گیا ہے، جس سے فلم میں آنے والے زبردست ایکشن سین کی جھلک ملتی ہے جبکہ وہ فلم میں دوہرا کردار ادا کرتے نظر آئیں گے، جس میں وہ ایک آئی اے ایس افسر رام نندن کا کردار نبھا رہے ہیں۔
فلم میں کیارا ایڈوانی بھی مرکزی کردار میں نظر آئیں گی۔
فلم کی شوٹنگ حیدرآباد، نیوزی لینڈ، آندھرا پردیش، ممبئی اور چندی گڑھ سمیت مختلف مقامات پر کی گئی ہے۔ فلم کے ایکشن سین کو انباریو نے کوریوگراف کیا ہے، اور فلم میں رام چرن کے علاوہ سمتھراکھنی، ایس جے سوریا، سری کانت، جے رام، سنیل، نوین چندرا سمیت دیگر معروف اداکار بھی شامل ہیں۔
فلم کی پروڈکشن دل راجو نے سری وینکٹیشورا کریشنز کے بینر تلے کی گئی ہے۔
گیم چینجر کی کہانی سماجی مسائل اور سیاست کی پیچیدگیوں پر مبنی ہے، جس میں زبردست ایکشن، ڈرامہ اور سیاسی سازشوں کا منفرد امتزاج پیش کیا گیا ہے۔
فلم کو نامور ہدایتکار شنکر نے ڈائریکٹ کیا ہے اور یہ فلم 10 جنوری 2025 کو سنکرانتی کے موقع پر دنیا بھر کے سینما گھروں میں ریلیز ہوگی۔
آپ کا ردعمل کیا ہے؟
