ایسا کیا ہوا کہ بنگلہ دیش کی آدھی ٹیم گیند کے پیچھے دوڑ پڑی! دلچسپ ویڈیو

بنگلہ دیشی ٹیم کے پلیئرز نے باؤنڈری بچانے کے لیے مثال قائم کردی، ایک گیند کے پیچھے آدھی ٹیم باؤنڈری کی طرف دوڑتی نظر آئی۔

کرکٹ کو ریکارڈز کا کھیل کہتے ہیں مگر کبھی کبھی اس میں کافی دلچسپ واقعات بھی دیکھنے میں آتے ہیں۔ ایسا ہی ایک مضحکہ خیز واقعہ بنگلہ دیش اور سرلنکا کے درمیان ہونے والے ٹیسٹ میچ میں بھی دیکھنے کو ملا۔

چٹوگرام میں میزبان اور آئی لینڈرز کے درمیان جاری ٹسیٹ میچ کے دوران باؤنڈری لائن کی طرف جاتی ایک نسبتاً آہستہ گیند کو روکنے کے لیے بنگلہ دیشی فیلڈرز ایک دوسرے سے مقابلہ کرتے پائے گئے۔

ٹیسٹ کے تیسرے روز کھیل ختم ہونے سے چند اوورز قبل سری لنکن بیٹر پربتھ جےسوریا کے بلے کا باہری کنارہ چھو کر گیند سلپ اور گلی پوزیشنز کے درمیان سے باؤنڈری کی طرف جانے لگی۔

تاہم اس وقت مضحکہ خیز صورتحال پیدا ہوگئی جب اس ایک گیند کو روکنے کے لیے بنگلادیش کی تقریباً آدھی ٹیم دوڑ پڑی۔

پانچ بنگالی پلیئرز گیند کی طرف اس طرح لپکے جیسے وہ اسے نہ پکڑ سکے تو میچ ہار جائیں گے۔ گیند کے پیچھے بھاگبنے اور اسے روکنے کی ویڈیو سوشل میڈیا پر وائرل ہوگئی۔

واضح رہے کہ سری لنکا نے پہلی اننگز میں 531 رنز بنائے جبکہ بنگلادیش کی ٹیم 178 رنز پر آل آؤٹ ہوکر فالو آن کا شکار ہوئی۔ دوسری اننگز میں سری لنکا نے 6 وکٹوں کے نقصان پر 102 رنز بناکر اپنی برتری 455 رنز کرلی ہے۔