آئی سی سی نے چیمپئنز ٹرافی کیلیے کتنا بجٹ مختص کیا ہے؟

انٹرنیشنل کرکٹ کونسل (آئی سی سی) نے گزشتہ دنوں اجلاس میں پاکستان میں شیڈول چیمپئنز ٹرافی 2025 کے لیے بجٹ کی منظوری دی تھی۔

آئی سی سی چیمپئنز ٹرافی آئندہ سال فروری مارچ میں پاکستان میں ہوگی جس کا پاکستان میزبان ہونے کے ساتھ دفاعی چیمپئن بھی ہے۔ انٹرنیشنل کرکٹ کونسل کے گزشتہ ہفتے سری لنکا میں ہونے والے اجلاس میں اس شو پیس ایونٹ کے بجٹ کی منظوری دی گئی تھی۔

چیمپئنز ٹرافی کا بجٹ آئی سی سی فنانشل اور کمرشل کمیٹی نے اسکروٹنی کے بعد منظور کیا تھا۔ چیمپئنز ٹرافی کا بجٹ پی سی بی اور آئی سی سی فنانس ڈپارٹمنٹ نے مشترکہ طور پر بنایا تھا۔

آئی سی سی نے چیمپئنز ٹرافی کے لیے 7 کروڑ ڈالر کا بجٹ مختص کیا ہے اور بھارتی میڈیا نے دعویٰ کیا ہے کہ میگا ایونٹ کے لیے 45 لاکھ ڈالر اضافی رکھے گئے ہیں۔

واضح رہے کہ آئی سی سی فنانشل اور کمرشل کمیٹی کے سربراہ بی سی سی آئی سیکریٹری جے شاہ ہیں۔

پی سی بی نے چیمپئنز ٹرافی کیلیے ٹیم پاکستان بھیجنے سے بھارتی حکومت کے انکار کا تحریری ثبوت مانگ لیا