’احساس ہو تو کچھ شرم ہونا‘ احمد علی بٹ بابراعظم کی ویڈیو پر پھٹ پڑے
پاکستان کے نامور میزبان و اداکار احمد علی بٹ نے پاکستان کرکٹ ٹیم کے کپتان بابر اعظم کی فٹنس ویڈیو پر انہیں آڑے ہاتھوں لے لیا۔ پاکستانی ٹیم کے کپتان بابر اعظم نے بنگلا دیش کے خلاف اگست میں راولپنڈی میں شروع ہونے والی 2 ٹیسٹ میچوں کی سیریز سے قبل جم ٹریننگ کرنی شروع […]
پاکستان کے نامور میزبان و اداکار احمد علی بٹ نے پاکستان کرکٹ ٹیم کے کپتان بابر اعظم کی فٹنس ویڈیو پر انہیں آڑے ہاتھوں لے لیا۔
پاکستانی ٹیم کے کپتان بابر اعظم نے بنگلا دیش کے خلاف اگست میں راولپنڈی میں شروع ہونے والی 2 ٹیسٹ میچوں کی سیریز سے قبل جم ٹریننگ کرنی شروع کردی ہے۔
قومی کرکٹ ٹیم کے کپتان بابر اعظم نے بابراعظم نے گزشتہ روز جم ٹریننگ کی ایک ویڈیو شیئر کی جس میں وہ سخت ورک آؤٹ کرتے دیکھا گیا۔
بابر اعظم کی ویڈیو وائرل ہونے کے بعد اداکار احمد علی کو آئی سی سی ٹوی ٹوئنٹی ورلڈ کپ میں قومی کرکٹ ٹیم کی کارکردگی یاد آگئی اور انہوں نے انسٹاگرام اسٹوری پر اپنی بھڑاس نکالی۔
احمد علی بٹ نے لکھا ’جم کے بجائے اسٹیڈیم میں دکھائی جانے والی کارکردگی کے سبب آپ کو اپنے ملک سے معافی مانگنی چاہیے اور ساتھ ہی وضاحت بھی پیش کرنی چاہیے، احساس ہو تو کچھ شرم ہونا‘۔
احمد علی بٹ نے اس اسٹوری پر ہیش ٹیگ میں ’ناٹ مائی کیپٹن‘ لکھا ہے۔
آپ کا ردعمل کیا ہے؟
