آپ کی پیشانی کن خصوصیات کو ظاہر کرتی ہے؟

ہر انسان کا چہرہ اور اس کے خدو خال اس کی شخصیت کے آئینہ دار ہوتے ہیں، اسی طرح انسان کی پیشانی بھی شخصیت کی خصوصیات کو ظاہر کرتی ہے۔

ہماری آنکھیں، منہ، ناک، گال، ٹھوڑی، تل، ہونٹوں کی شکلیں وغیرہ سب ہماری شخصیت کے ساتھ ساتھ ہماری پوری زندگی کا نقشہ ہیں۔

کیا آپ جانتے ہیں کہ چہرہ پڑھنے کے طریقے اور تحقیق کی تاریخ 3 ہزار سال پرانی ہے؟ چہرہ پڑھنے کے ماہر اور مصنف جین ہینر کے مطابق چہرہ پڑھنا آپ کی شخصیت کی خصوصیات کو ظاہر کرسکتا ہے اور آپ کو یہ جاننے میں مدد کر سکتا ہے کہ آپ ایک فرد کے طور پر کون اور کیسے ہیں۔

پیشانی کی خصوصیات :

کیا آپ کی پیشانی بڑی ہے؟ یا تنگ پیشانی؟ یا خمیدہ پیشانی؟ یا ایم کے سائز کی پیشانی؟ چیک کریں کہ آپ کی پیشانی آپ کی شخصیت کے بارے میں کیا کہتی ہے۔

زیر نظر مضمون میں ہم آپ کو بتائیں گے کہ اگر آپ کی پیشانی نیچے دی گئی تصاویر میں سے کسی سے مماثلت رکھتی ہے تو آپ کیسی شخصیت کے مالک ہیں؟

بڑی پیشانی :

اگر آپ کی پیشانی بڑی ہے تو آپ کی شخصیت کے خدوخال ظاہر کرتے ہیں کہ آپ مشورہ دینے میں اچھے ہیں اور آپ زندگی کو متوازن انداز میں گزارتے ہیں۔

آپ نہ صرف عقلمند اور ذہین بلکہ ملٹی ٹیلنٹڈ بھی ہیں۔آپ کے پاس بہت اچھی سوچ یا تجزیاتی صلاحیتیں ہیں جو آپ کی ہر کوشش میں کامیاب ہونے میں آپ کی مدد کرتی ہیں۔

آپ وقت سے دو قدم آگے رہنے کو ترجیح دیتے ہیں، آپ نہ صرف سفر میں دلچسپی رکھتے ہیں بلکہ آپ یہ جاننا بھی پسند کرتے ہیں کہ راستہ آپ کو کہاں لے جا رہا ہے، آپ خود سے اور اپنی صلاحیتوں سے بھی بہت مطمئن ہیں۔

اس کے علاوہ تنہائی آپ کو پریشان نہیں کرتی، آپ جلدی سیکھنے والے انسان اور کھلے ذہن کے مالک ہیں، نئی راہیں تلاش کرنے اور اچھی سماجی زندگی سے لطف اندوز ہوتے ہیں، چھوٹی چھوٹی باتوں پر ہنگامہ نہیں کرتے لیکن بعض اوقات آپ اپنا غصہ ایک ہی بار میں نکال لیتے ہیں۔
تاہم ایک منفی پہلو یہ ہے کہ بعض مواقع پر آپ کا غصہ آپ کو نیچے لے جاتا ہے۔

تنگ پیشانی :

اگر آپ کی پیشانی تنگ ہے تو آپ کی شخصیت کی خصوصیات ظاہر کرتی ہیں کہ آپ اپنی ہی کمپنی سے سب سے زیادہ لطف اندوز ہوتے ہیں، آپ ایک منفرد اور نادر شخصیت کے مالک ہیں، اپنے دماغ سے زیادہ دل کی سنتے ہیں۔

آپ چیزوں کے بارے میں سوچنے کے بجائے اپنے جذبات کی پیروی کرتے ہیں، آپ ہمدرد ہیں اور لوگوں پر احسان کرنے کا کوئی موقع نہیں چھوڑتے۔

آپ کی مہربان طبیعت بعض اوقات آپ کو ایسے حالات میں پہنچا دیتی ہے جہاں لوگ یا تو آپ کو تکلیف دیتے ہیں یا آپ کی سخاوت کا فائدہ اٹھاتے ہیں۔

آپ بہت زیادہ توجہ کا مرکز بننا پسند نہیں کرتے حالانکہ آپ پر فطری طور پر توجہ اور محبت کی بارش کی ہوتی ہے۔ آپ اپنے اصولوں کے مطابق زندگی بسر کرتے ہیں اور خود پر فخر بھی کرتے ہیں۔

خم پیشانی :

اگر آپ کی پیشانی خمیدہ ہے تو آپ کی شخصیت کے خدوخال ظاہر کرتے ہیں کہ آپ خوش مزاج انسان ہیں، آپ کا ایسا انداز اور طریقہ ہے جس سے لوگوں کی زندگی روشن ہوتی ہے آسانی سے دوستی بھی کرلیتے ہیں۔

آپ کو اس بات کا احساس ہے کہ کب کیا کہنا ہے، آپ ایک انتہائی پر امید شخص ہیں، لوگوں کو ان کے خوابوں اور مقاصد کو حاصل کرنے کی ترغیب دینے میں اچھے ہیں۔

اگر آپ کسی مشکل صورت حال کا سامنا کرتے ہیں تو آپ غالباً اپنے دل کی پیروی کرتے ہیں، بعض اوقات آپ خاموشی سے بہت زیادہ تکلیف اٹھاتے ہیں کیونکہ آپ اپنے جذبات کو دباتے ہیں یا وہ نہیں کہتے جو آپ امن برقرار رکھنے کے لیے کہنا چاہتے ہیں۔

ایم سائز کی پیشانی :

اگر آپ کی پیشانی ایم کے سائز کی ہے تو آپ کی شخصیت کی خصوصیات ظاہر کرتی ہیں کہ آپ ایک فنکارانہ صلاحیتیں رکھنے والے انسان ہیں۔ آپ جو بھی کرتے ہیں اس میں احسان مند ہونا پسند کرتے ہیں، اچھی بات یہ ہے کہ آپ معاف کرنے والے ہیں اور اپنے پیاروں اور دوستوں کی حد سے زیادہ حفاظت کرتے ہیں۔