ٹوئٹر کے نام بعد’URL‘ میں بھی بڑی تبدیلی

مائیکرو بلاگنگ ویب سائٹ ٹوئٹر کے نام بعد اب اس کے ’ڈومین نیم‘ یعنی کہ ’یو آر ایل‘ میں بھی بڑی تبدیلی کردی گئی۔

غیر ملکی ذرائع ابلاغ کے مطابق ٹیسلا کے بانی ایلون مسک نے 2022ء میں 44 ارب ڈالرز میں ٹوئٹر کی ملکیت اپنے نام کرلی تھی۔

ٹوئٹر کو خریدنے کے بعد انہوں نے ایک حیران کُن فیصلہ کرتے ہوئے اس ویب سائٹ کا نام ٹوئٹر سے تبدیل کر کے ایکس رکھا اور اس کا لوگو بھی بدل دیا تھا۔

ٹیسلا کے بانی نے ’ٹوئٹر ڈاٹ کام‘ کو نئے یو آر آیل ’ایکس ڈاٹ کام‘ پر بدلتے ہوئے اپنے ایکس اکاؤنٹ پر باقاعدہ ایک پیغام جاری کیا ہے جس میں کہا گیا ہے کہ ’تمام اہم سسٹمز اب ایکس ڈاٹ کام پر ہیں۔‘

ٹک ٹاک کا اے آئی سے تیار کردہ مواد کی لیبلنگ اور میڈیا لٹریسی کیلیے اقدامات کا آغاز

گزشتہ سال جولائی سے ٹوئٹر کو بطور ایکس ویب کے استعمال کیا جا رہا تھا جبکہ اس کا ’ڈومین نیم‘ (یو آر ایل) پرانا ہی تھا جسے اب تبدیل کر کے ’ایکس ڈاٹ کام‘ کر دیا گیا ہے۔