’لیونگ اِن ریلیشن شپ میں رہنے کے بعد والدین۔۔‘ کرن راؤ نے عامر خان سے شادی کرنے کی وجہ بتادی
بالی ووڈ کی ہدایتکارہ کرن راؤ نے اعتراف کیا ہے کہ انہوں نے مسٹر پرفیکشنسٹ عامر خان سے شادی صرف گھر والوں کی وجہ سے کی۔ بالی ووڈ کی ہدایتکارہ کرن راؤ نے بھارتی یوٹیوب چینل پر اپنی حالیہ گفتگو کے دوران شادی پر بات کرت ہوئے انکشاف کیا ہے کہ وہ شادی سے پہلے […]
بالی ووڈ کی ہدایتکارہ کرن راؤ نے اعتراف کیا ہے کہ انہوں نے مسٹر پرفیکشنسٹ عامر خان سے شادی صرف گھر والوں کی وجہ سے کی۔
بالی ووڈ کی ہدایتکارہ کرن راؤ نے بھارتی یوٹیوب چینل پر اپنی حالیہ گفتگو کے دوران شادی پر بات کرت ہوئے انکشاف کیا ہے کہ وہ شادی سے پہلے ایک سال تک عامر خان کے ساتھ لیونگ اِن ریلیشن شپ‘ (شادی کے بغیر ایک ساتھ رہنا) میں رہی تھیں۔
کرن راؤ نے کہا کہ میں نے اپنے والدین کی وجہ سے عامر خان سے شادی کرنے کا فیصلہ کیا تھا، ہم نے سوچا کہ ہم ایک ساتھ رہ کر ایک جوڑے کے طور پر کام کر سکتے ہیں لیکن یہاں یہ اہم ہے کہ آپ کس طرح سے شادی کی تشریح کرتے ہیں۔
انہوں نے کہا کہ شادی میں شوہر کے بجائے اکیلی بیوی کو فرائض پورے کرنے کے لیے اکیلا چھوڑ دیا جاتا ہے، عورت پر گھر چلانے، خاندان کو ساتھ رکھنے کی بہت ذمہ داری ہوتی ہے۔
کرن راؤ نے کہا کہ درحقیقت خواتین سے یہ توقع کی جاتی ہے کہ وہ سسرال والوں سے رابطے میں رہیں اور شوہر کے خاندان سے دوستی کریں، یہ توقعات بہت زیادہ اور منفی ہیں، یہ بہت خطرناک ہیں، اس پر ہمیں توجہ دینے کی ضرورت ہے۔
واضح رہے کہ کرن راؤ اور عامر خان نے باہمی رضامندی کے ساتھ 2021ء میں اپنی شادی ختم کر دی تھی اور بعد ازاں 2022ء میں باضابطہ طور پر علیحدگی کا اعلان کیا تھا۔
آپ کا ردعمل کیا ہے؟
