عمر عالم نے دوران پرواز شادی کی پیشکش کردی، ویڈیو وائرل
پاکستانی شوبز انڈسٹری کے معروف اداکار عمر عالم نے دوران پرواز اپنی دوست کو شادی کی پیشکش کرکے منگنی کرلی۔ عمر عالم نے پرواز کے دوران ہی اپنی دوست کو شادی کے لئے پروپوز کیا، جس کی ویڈیو سوشل میڈیا پر گردش کررہی ہے۔ اداکار نے خود بھی اپنی زندگی کے خاص ترین لمحے کی […]
پاکستانی شوبز انڈسٹری کے معروف اداکار عمر عالم نے دوران پرواز اپنی دوست کو شادی کی پیشکش کرکے منگنی کرلی۔
عمر عالم نے پرواز کے دوران ہی اپنی دوست کو شادی کے لئے پروپوز کیا، جس کی ویڈیو سوشل میڈیا پر گردش کررہی ہے۔
اداکار نے خود بھی اپنی زندگی کے خاص ترین لمحے کی ویڈیو سوشل میڈیا پر شیئر کی۔ جس پر ان کے چاہنے والوں کی جانب سے نیک تمناؤں کا اظہار کیا جارہا ہے۔
سوشل میڈیا پر شیئر کی گئی ویڈیو میں دیکھا جاسکتا ہے کہ عمرنے دوران پرواز بھرے ہوئے جہاز میں اپنی محبوبہ سے اظہار محبت کرتے ہوئے خوبصورت و رومانوی انداز میں انگوٹھی پہنائی اور شادی کے لئے اپنا ارادہ ظاہر کیا۔
ان کی دوست نے جواب میں ہاں کردی اور انگوٹھی بھی پہن لی جب کہ جہاز میں بیٹھے مسافروں کی جانب سے دونوں کے لیے نیک خواہشات کا اظہار کیا گیا۔
پاکستانی اداکار کا اپنی انسٹا گرام پوسٹ کے کیپشن میں کہنا تھا کہ ’اس نے ہاں کہہ دی، اب یہ آفیشل ہوگیا ہے‘۔
ساتھی فنکاروں اور مداحوں نے اداکار کی جانب سے شیئر ویڈیو کے کمنٹس میں تبصرہ کرتے ہوئے جوڑے کو مبارکبادیں پیش کیں۔
لڑکی کو اس کے کہنے پر چھوڑ دیا، عمر عالم
واضح رہے کہ معروف اداکار نے رئیلیٹی شو تماشہ سیزن ون سے شہرت حاصل کی جب کہ ان کے مشہور ڈراموں میں پہلی سی محبت، گُرو اور رقصِ بسمل سمیت دیگر ڈرامے شامل ہیں۔
آپ کا ردعمل کیا ہے؟
