شاداب اور ہیلز کی انجری سے متعلق کولن منرو نے بتادیا

پی ایس ایل میں اسلام آباد یونائیٹڈ کے اوپنر کولن منرو نے کپتان شاداب خان اور الیکس ہیلز کی انجری سے متعلق بتادیا۔

کراچی کنگز اور اسلام آباد یونائیٹڈ کے میچ کے بعد اوپنر کولن منرو نے کہا کہ شاداب خان اور الیکس ہیلز ٹھیک ہیں انہیں کوئی انجری نہیں ہوئی ہے۔

انہوں نے کہا کہ یہ ہمارے لیے بہت اہم جیت ہے، پچھلے میچز جیت سکتے تھے مگر نہ جیت سکے۔

انہوں نے کہا کہ پانچ میچز میں سے دو جیتے ہیں جس سے مطمئن نہیں ہیں، جانتے ہیں ہم ابھی اپنی بہترین کرکٹ نہیں کھیل رہے، میں اعظم ایک ساتھ آؤٹ ہوئے اس لیے پچھلے میچ میں مشکل ہوئی۔

واضح رہے کہ اسلام آباد یونائیٹڈ نے کراچی کنگز کو 7 وکٹوں سے شکست دے کر ایونٹ میں دوسری کامیابی حاصل کرلی۔

یونائیٹڈ کے اوپنر کولن منرو کو 82 رنز کی شاندار اننگز کھیلنے پر میچ کا بہترین کھلاڑی قرار دیا گیا۔