پی ایس ایل 9، فیلڈرز ہوئے بلے بازوں پر مہربان، 7 میچز میں 23 کیچز ڈراپ
پی ایس ایل 9 میں اب تک سب سے کمزور شعبہ فیلڈنگ کا سامنے آیا ہے جہاں کھیلے گئے 7 میچز میں ایک دو نہیں بلکہ 23 کیچز ڈراپ کیے گئے ہیں۔ کرکٹ میں کیچ ون دی میچ کی اصطلاح سب سے مشہور ہے لیکن پاکستان سپر لیگ میں تو اس کے الٹ ہو رہا […]
پی ایس ایل 9 میں اب تک سب سے کمزور شعبہ فیلڈنگ کا سامنے آیا ہے جہاں کھیلے گئے 7 میچز میں ایک دو نہیں بلکہ 23 کیچز ڈراپ کیے گئے ہیں۔
کرکٹ میں کیچ ون دی میچ کی اصطلاح سب سے مشہور ہے لیکن پاکستان سپر لیگ میں تو اس کے الٹ ہو رہا ہے۔ ایونٹ کے سنسنی خیز میچز جاری ہیں جہاں بیٹرز چھکے چوکوں کی برسات کر رہے ہیں تو بولرز وکٹیں اڑا رہے ہیں تاہم سب سے کمزور شعبہ فیلڈنگ کا سامنے آیا ہے۔
اب تک ایونٹ میں سات میچز کھیلے گئے ہیں جن میں خراب فیلڈنگ کا بھرپور مظاہرہ کیا گیا ہے اور ایک دو نہیں مجموعی طور پر 23 کیچز ڈراپ کیے گئے ہیں جس میں کئی کیچز تو انتہائی آسان تھے، اس سے لگتا ہے کہ کھلاڑیوں کے لیے کیچ پکڑنا امتحان بن چکا ہے یا پھر وہ بلے بازوں پر انتہائی مہربان ہو گئے ہیں۔
رواں پی ایس ایل میں اب تک ملتان سلطانز ناقابل شکست رہی ہے اور ابتدائی تینوں میچز جیت چکی ہے مگر اس کی فیلڈنگ کسی طور فاتح ٹیم کے معیار کی نہیں ہے کیونکہ سب سے زیادہ میچ جیتنے والی ٹیم نے ہی سب سے زیادہ کیچز چھوڑے ہیں جن کی تعداد 7 ہے۔
Psl nhe catch drop league name rkh dien bhie#PSL2024 pic.twitter.com/WGwm6LCSSU
— Abbas Khan
(@Abkhan345) February 21, 2024
دفاعی چیمپئن لاہور قلندرز اب تک کوئی میچ نہیں جیت سکی ہے اور شکستوں کی ہیٹ ٹرک مکمل کر لی ہے۔ اس کو سب سے زیادہ نقصان ناقص فیلڈنگ نے پہنچایا کیونکہ اس کے فیلڈرز نے مختلف مواقع پر جو 5 اہم کیچز گرائے وہی اس کی شکستوں کی وجہ بھی بنے۔
Can You Beleive This Another Catch Drop In This Psl Season
Basit Khan : It Looks Like Taking A Catch Is Not A Rule In Psl 9 #PSL9 #PSL2024 #PVL2024 pic.twitter.com/x2jtPqfdqA— Moosa Essani (@MoosaGamer2) February 22, 2024
کوئٹہ گلیڈیئٹر نے بھی اب تک کھیلے گئے دو میچوں میں 5 کیچز ڈراپ کیے۔ میگا ایونٹ میں اب تک کراچی کنگز کی فیلڈنگ تمام ٹیموں سے بہتر رہی ہے کہ کیونکہ انہوں نے صرف ایک کیچ ہی چھوڑا ہے۔
Khushdil Shah Just Drop Cox Catch on the Boundary #PSL #PSL2024 #PSL9 #PSL9Updates pic.twitter.com/gOIqueJzbk
— YOUSAF AFRIDI (@yousafafridi793) February 20, 2024
خراب فیلڈنگ میں اگر انفرادی فیلڈر کی بات کی جائے تو اس فہرست میں خوشدل شاہ سب سے آگے ہیں کیونکہ چار بار گیند ان کے ہاتھوں میں آئی مگر تھامنے سے قبل ہی چھو کر نکل گئی۔
آپ کا ردعمل کیا ہے؟
