پاکستان میں ٹائیفائیڈ کا پھیلاؤ ، ہدایت نامہ جاری ، علامات کیا ہیں؟

اسلام آباد : پاکستان میں ٹائیفائیڈ کے پھیلاؤ کے پیش نظر ہدایت نامہ جاری کردیا گیا ، جس میں علامات کے حوالے سے بتاتے ہوئے کہا ہے کہ ڈاکٹرز غیر ضروری اینٹی بائیوٹک تجویز نہ کریں۔

تفصیلات کے مطابق قومی ادارہ صحت نے صوبوں کو مزاحتمی ٹائیفائیڈ سے متعلق ہدایت نامہ جاری کردیا۔

جس میں کہا گیا ہے کہ موسم گرما ،مون سون میں ٹائیفائیڈ کا پھیلاؤ زیادہ ہوتا ہے، مزاحمتی ٹائیفائیڈ پرتھرڈ جنریشن اینٹی بائیوٹک بے اثرہیں۔

قومی ادارہ صحت کا کہنا ہے کہ ڈاکٹرز مریض کو غیر ضروری اینٹی بائیوٹک تجویز نہ کریں، مزاحتمی ٹائیفائیڈکےخلاف میرونیم، میکرولائیڈاینٹی بائیوٹک مؤثر ہے۔

ہدایت نامے میں کہا گیا کہ شہری ٹائیفائیڈ سے بچاؤ کیلئے ویکسینیشن کرائیں، 3دن بخار، پیٹ درد، قبض، ٹائیفائیڈ کی علامات ہیں۔

قومی ادارہ صحت کے مطابق آلودہ پانی، فروزن پھل اور ناقص خوراک ٹائیفائیڈپھیلاؤ کا سبب ہیں، شہری ٹائیفائیڈسے بچاؤ کیلئےپانی ابال کراستعمال کریں۔