جنید خان کے کامیاب فلم ڈیبیو کی خوشی میں عامر خان کی جانب سے پارٹی

بالی ووڈ سپر اسٹار عامر خان نے رینہ دتہ کے ساتھ اپنے بیٹے جنید خان کی پہلی فلم میں کامیابی کی خوشی میں پارٹی کا انعقاد کیا۔

جنید خان نے رواں برس جون میں سدھارتھ ملہوترا کی نیٹ فلکس فلم ’مہاراج‘ سے اپنا ڈیبیو کیا، اس فلم میں جنید کی پہلی پرفارمنس کو ناقدین اور سامعین نے یکساں طور پر خوب سراہا گیا۔

بالی ووڈ کے مسٹر پرفیکشنسٹ بھی اپنے بیٹے کے کامیاب ڈیبیو پر اس قدر خوش ہوئے کہ انہوں نے ممبئی میں ایک تقریب کا انعقاد کیا جس میں فلم مہاراج کی پوری ٹیم کو مدعو کیا گیا۔

اس تقریب کی تصاویر بھی سوشل میڈیا پر وائرل ہے جس میں عامر خان کو رینا دتہ اور فلم کے دیگر لوگوں کے ساتھ دیکھا جاسکتا ہے، اس تقریب میں اداکار عمران خان اور ان کی گرل فرینڈ لیکھا واشنگٹن بھی شریک ہوئے۔

پارٹی میں ڈائریکٹر سدھارتھ کے علاوہ جنید کے ساتھی اداکار جیدیپ اہلاوت اور شالنی پانڈے بھی موجود تھے۔

عامر خان کے بیٹے جنید خان کی فلم مہاراج 19 سے 25 جولائی کے درمیان صرف 152.3 ملین منٹ دیکھے جانے والی نیٹ فلکس کی ٹاپ 10 فلموں میں شامل ہیں۔