بین اسٹوکس ہیمسٹرنگ انجری کا شکار ہو گئے

انگلینڈ کے کپتان بین اسٹوکس ایک مرتبہ پھر ہیمسٹرنگ انجری کی زد میں آگئے ہیں۔

انگلش کرکٹ بورڈ کے مطابق بین اسٹوکس نیوزی لینڈ کے خلاف ہیملٹن میں آخری ٹیسٹ کے تیسرے روز ہیمسٹرنگ انجری کا شکار ہوئے۔

انگلینڈ کو 3 ٹیسٹ میچز کی سیریز میں 2 صفر سے فیصلہ کن برتری حاصل ہے۔

اس سے قبل سلو اوور ریٹ جرمانے پر انگلش ٹیم کے کپتان اسٹوکس اور آئی سی سی میں ٹھن گئی۔

کرائسٹ چرچ ٹیسٹ میں سلو اوور ریٹ پر آئی سی سی نے انگلینڈ کے ہر کھلاڑی پر 2 ہزار پاؤنڈ جرمانہ عائد کیا اور ورلڈ ٹیسٹ چیمپئن شپ کے تین پوائنٹس بھی کاٹ لیے۔

آئی سی سی کے اس اقدام پر انگلش کپتان کا سخت ردعمل آیا اور انہوں نے جرمانے کے خط پر دستخط کرنے سے انکار کردیا۔

اسٹوکس کا کہنا تھا کہ 10 گھنٹے پہلے ختم ہونے والے ٹیسٹ میں کس بات کا جرمانہ بنتا ہے۔

ایسا گوہا نے جسپریت بمرا سے آن ایئر معذرت کرلی

واضح رہے کہ نیوزی لینڈ اور انگلینڈ کے درمیان ہونے والے کرائسٹ چرچ ٹیسٹ میں دونوں ٹیموں پر سلو اوور ریٹ پر جرمانہ عائد کیا گیا تھا۔