بڑی آنت میں ایک کلو سونا چھپا کر اسمگل کرنے والی ایئرہوسٹس گرفتار
پیٹ کے اندر بڑی آنت میں ایک کلو سونا چھپا کر اسے بیرون ملک سے اسمگل کرنے والی ایئرہوسٹس رنگے ہاتھوں پکڑی گئی۔ کہتے ہیں بکرے کی ماں کب تک خیر منائے گی ایسا ہی کچھ بھارتی فضائی میزبان (ایئر ہوسٹس) کے ساتھ ہوا جس نے ایک کلو مسقط سے بھارت اسمگل کرنے کے لیے […]
پیٹ کے اندر بڑی آنت میں ایک کلو سونا چھپا کر اسے بیرون ملک سے اسمگل کرنے والی ایئرہوسٹس رنگے ہاتھوں پکڑی گئی۔
کہتے ہیں بکرے کی ماں کب تک خیر منائے گی ایسا ہی کچھ بھارتی فضائی میزبان (ایئر ہوسٹس) کے ساتھ ہوا جس نے ایک کلو مسقط سے بھارت اسمگل کرنے کے لیے انتہائی منفرد اور اپنے تئیں پکڑ میں نہ آنے والا طریقہ اختیار کیا لیکن شومئی قسمت کہ وہ پھر بھی پکڑی گئی۔
بھارتی میڈیا کے مطابق ڈائریکٹوریٹ آف ریونیو انٹیلی جنس (ڈی آر آئی) نے ایک ایئر ہوسٹس کو حراست میں لیا ہے جس پر اپنے پیٹ کے اندر بڑی آنت میں ایک کلو سونا چھپا کر اسمگل کرنے کا الزام ہے۔
رپورٹ کے مطابق حکام نے کیرالہ ریاست کے شمالی حصے میں واقع مالابار کے کنور انٹرنیشنل ایئرپورٹ پر خفیہ اطلاع پر سرابھی نامی کیبن کریو خاتون کو روکا جس کا تعلق کولکتہ سے بتایا جاتا ہے اور جب اس کی تلاشی لی گئی تو معلوم ہوا کہ اس نے سونا پیٹ کے اندر بڑی آنت میں چھپایا ہوا تھا۔
ایئرہوسٹس کو گرفتار کرنے کے بعد تفتیش کی گئی جس سے معلوم ہوا کہ ملزمہ اس سے قبل بھی کئی بار سونا اسمگل کر چکی ہے۔ اس انکشاف کے بعد اسمگلنگ گینگ میں کیرالہ سے تعلق رکھنے والے افراد کے ملوث ہونے کی بھی تحقیقات کی جا رہی ہیں۔
دوسری جانب پولیس نے اسے مقامی مجسٹریٹ کی عدالت میں پیش کرکے 14 دن کے ریمانڈ پر ویمن جیل بھیج دیا گیا۔
بھارتی سرکاری خبر رساں ایجنسی کے مطابق یہ ملک میں اس نوعیت کا پہلا کیس ہے جہاں ایئر لائن کے عملے کے کسی رکن کو بڑی آنت میں سونا اسمگل کرنے کے الزام میں گرفتار کیا گیا ہے۔
آپ کا ردعمل کیا ہے؟
